Oqý-aǵartý mınıstri balalar kúnimen quttyqtady, dep habarlaıdy Almaty-akshamy.kz.
Qadirmendi jas dostarym!
Sizderdi jadyraǵan jazdyń eń shýaqty merekesi - Halyqaralyq balalardy qorǵaý kúnimen quttyqtaımyn!
Búginde elimizde 6,8 mıllıon bala bar. Onyń 3,8 mıllıon — oqýshylar. Bul jaı ǵana statısıkalyq derekter emes, bul sannyń artynda elimizdiń shyn máninde orasan zor áleýeti jatyr.
Balalarymyzdyń jan-jaqty damýy men tabysty tulǵa bolyp qalyptasýyna jaıly ári qaýipsiz orta qalyptastyrý memlekettik saıasattyń basym baǵyty bolyp qala beredi.
Bıyl elimizdiń «Bala quqyqtary týraly» halyqaralyq Konvensıaǵa qol qoıylǵanyna 30 jyl tolady. Osy ýaqyt ishinde balalardyń quqyqtaryn qorǵaý salasyndaǵy barlyq negizgi halyqaralyq-quqyqtyq qujattar ratıfıkasıalandy. Balalardyń ál-aýqatynyń ındeksi ázirlenip, engizildi. Balalardyń otbasynda ómir súrý jáne tárbıelený quqyqtary qamtamasyz etilýde. Balalarymyzdyń ál-aýqaty elimizdiń turaqty damýy men jarqyn bolashaǵynyń irgetasy.
Sizderge zor densaýlyq, mol tabys jáne Jazdyq kanıkýldaǵy demalystaryńyz qaýipsiz, mazmundy da qyzyqqa toly bolýyn tileımin. Búgingi mereke kúni qutty bolsyn!