Sońǵy úsh jylda Qazaqstanda 65 jastan asqan jumys isteıtin zeınetkerlerdiń sany 26,6%-ǵa ósti.
Ulttyq statısıka búrosynyń málimetinshe, BQO, Túrkistan oblysy, Astana jáne Shymkent qalalarynda 65 jastan asqan jumys isteıtin zeınetkerler joq ekeni belgili boldy, dep habarlaıdy Almaty-akshamy.kz.
2022 jyldyń úshinshi toqsanynyń qorytyndysy boıynsha, 65 jastan asqan jumys isteıtin zeınetkerler sany ár óńirde ár qıly. Negizgi úrdis: osy sanattaǵy qazaqstandyqtardyń kópshiligi soltústik jáne ortalyq óńirlerde turady. Resmı eskerilgenderdiń jartysyna jýyǵy Qostanaı jáne Aqmola oblystarynda. Sondaı-aq Qaraǵandy, Pavlodar jáne Soltústik Qazaqstan oblystarynda da barshylyq. Qalǵan óńirlerde kórsetkishter aıtarlyqtaı tómen, al eń az Qyzylorda jáne Mańǵystaý oblystarynda turady.
Osy jas sanatyndaǵy barlyq jumys isteıtin zeınetkerlerdiń 75%-dan astamy aýyl, orman jáne balyq sharýashylyǵynda jumys isteıdi. Ekonomıkalyq qyzmettiń barlyq basqa túrleriniń kórsetkishteri olarmen salystyrǵanda az. Olardyń 4%-y qoımalarda nemese júrgizýshi bolyp jumys istese,3 myń adam — dáriger men basqa da medısına qyzmetkerleri. Qurylys jáne ónerkásip sıaqty qıyn salalarda 65 jastan keıin de jumys istep jatqan azamattar barshylyq.
Biraq memlekettik organdardaǵy basshylar men áleýmettik qamsyzdandyrý qyzmetkerleri, kerisinshe, kemidi: 2019 jyldyń úshinshi toqsanymen salystyrǵanda 40,4%-ǵa azaıdy.
Byltyr elimizde 65 jastan asqan joǵary basshylar, zań shyǵarýshylar men memlekettik qyzmetshiler sany bar bolǵany 58 adam boldy. QR-da qartaıǵan basshylardyń jalpy sany 1,4 myńnan sál asady, 2019 jylmen salystyrǵanda olardyń sany 2,5 ese azaıdy.