Sheteldik azamattar úshin tulǵany bank kartasy arqyly rastaý qyzmeti iske qosylady.
Bul týraly Qazaqstannyń Memlekettik kirister komıtetiniń baspasóz qyzmeti málim etti. Elektrondy kezek júıesin «CarGoRuqsat» onlaın brondaý servısin QR QM «Aqparattyq-esepteý ortalyǵy» AQ mamandary jasap shyǵarǵan jáne qyzmet kórsetedi, dep habarlaıdy Almaty-akshamy.kz Elorda.info saıtyna silteme jasap.
Joba avtorlarynyń aıtýynsha, servıs udaıy jetildirilip keledi. Jaqynda ol «Face ID», ıaǵnı adamnyń kelbetin skanerleý arqyly tekserýmen tolyǵyp, sheteldik azamattar úshin tulǵany bank kartasy arqyly rastaý qyzmeti iske qosylmaq.
«Memlekettik derekter bazasy arqyly tekseristen qazaqstandyq tasymaldaýshylar ótetindikten, bizde sheteldik tasymaldaýshylar boıynsha basqa bazalarmen ıntegrasıa jasalmaǵan. Tıisinshe, aıla-sharǵy jasaý derekteri oryn alǵan. Máselen, birneshe reseılik jáne polák kompanıasy memlekettik nómirlerdi ózgertý, ıaǵnı birinshi jaǵdaıda «syzyqsha» qoıyp, ekinshi ret «bos oryn» qaldyrý sekildi bir nómerdi túrlendirý arqyly kezek alǵan. Osylaısha olar jappaı oryn alyp, osy arqyly óz klıentteriniń kóligin jyljytý múmkindigine ıe bolǵan», - dedi QR QM «Aqparattyq-esepteý ortalyǵy» AQ bas mamany Azamat Qurmanov.
Taldaýlar kórsetkendeı, servıs iske qosylǵaly eki aı ishinde «Dostyq» beketi arqyly shekaradan 1759 kólik quraly, onyń ishinde 1108-i nemese 63 paıyzy osy paıdalanýshylardyń kólikteri.
«Paıdalanýshy kelisimshartyn buzǵany úshin bul paıdalanýshylardyń akkaýntty buǵattalǵan. Eger bronda kórsetilgen nómirli fýralar shekaraǵa kelse, olar óte alady, biraq atalǵan paıdalanýshy kezekti ózgertý nemese qandaı da bir brondy jyljytý quqyǵynan aıyrylady. Paıdalanýshy kelisimshartyn buzý deregi boıynsha materıaldar bul áreketterine tıisti baǵa berý maqsatynda quqyqqorǵaý organdaryna beriletin bolady. Jasalǵan paıdalanýshy kelisimsharttaryna saı bul kelisimshartty buzǵan paıdalanýshylar akkaýntaryn buǵattan shyǵarý 90 kúntizbelik kún ótkennen keıin nemese oǵan deıin - Sottyń sheshimi boıynsha júzege asyrylady», - dedi Azamat Qurmanov.
Eske salsaq, 2022 jylǵy 23 qarashadan bastap Qazaqstan-Qytaı shekarasynyń birneshe beketinde «CarGoRuqsat» elektrondy kezek servısi iske qosylǵan. Servısti memlekettiń júz paıyzdyq qatysýymen, QR Qarjy mınıstrliginiń «Aqparattyq-esepteý ortalyǵy» AQ jasap shyǵarǵan. «CarGoRuqsat» elektrondy servısti engizý bastamasy QR QM Memlekettik kirister komıteti men QR Ulttyq qaýipsizdik komıtetiniń Shekara qyzmetine tıesili. Servıs Qoldau.kz sıfrlyq platformasynda iske qosylǵan jáne paıdalanýshylar úshin tegin.
«CarGoRuqsat» elektrondy kezek servısiniń mindeti tasymaldaýshylarǵa aldyn ala kezek alý múmkindigin usyný jáne bul kezekti jarıa etý. Birinshiden, bul júk kólikteriniń shekaradan ótý prosesin jeńildetti. Bul brondaý kezeńinde-aq tasymaldaýshylardyń formattyq-logıkalyq baqylaýdan ótýi esebinen júzege asyrylady. Júıe ótinish berýshiniń salyqtar boıynsha, aqyly joldardan júrgeni boıynsha qaryzdardyń bar-joǵyna, tartqysh pen tirkemeniń tirkeýden ótkenin jáne t.b. tekseredi, Servıstiń ekinshi mindeti – shekaradaǵy jemqorlyq qaýipterin barynsha azaıtý.