Sý tasqyny jaǵdaıy týraly aqparat
Aerovızýaldy tekserý jáne drondardy paıdalaný arqyly ózender men sý qoımalaryndaǵy sý tasqyny jaǵdaıyna monıtorıń, sondaı-aq keıbir óńirlerde ózenderde muz jarý jumystary júrgizilýde, dep habarlaıdy almaty-akshamy.kz QR TJM baspasóz qyzmetine silteme jasap.
Muz keptelisteriniń aldyn alý maqsatynda Aqmola oblysy Selınograd jáne Bulandy aýdandarynyń Otaýtýsken, Birlik, Jýravlevka, Kapıtonovka aýyldarynyń mańynda Nura jáne Baqsuq ózenderinde, Qaraǵandy oblysy Osakarov aýdany Nıkolaevka aýylynyń mańyndaǵy Sabyrqoja ózeninde, Qostanaı oblysy Tobyl, Qarasý,Túntúgýr ózenderinde, Soltústik Qazaqstan oblysy Ǵ.Músirepov aýdannyń Rýzaevka aýylynyń mańynda Sharyq ózeninde jarylys jumystary júrgizildi.
Sý tasqyny saldaryn joıý, sondaı-aq sý tasqynyna qarsy is-sharalar men avarıalyq-qutqarý jumystary, erigen qar sýyn burý, ınertti materıaldar salynǵan qaptar tóseý, kanaldardy, aryq júıelerin jaǵalaryn nyǵaıtý jumystary, qulaqtandyrý jáne adamdardy qaýipsiz jerlerge evakýasıalaý jumystary jalǵasýda.
Sý tasqyny Aqmola, Aqtóbe, Atyraý, Qostanaı, Pavlodar, Soltústik Qazaqstan oblystarynda 3 171 jeke turǵyn úı jáne 179 aýla aýmaǵy sý astynda qalýda. 1 451 úı men 1 319 aýla aýmaǵynan erigen qar sýy soryldy. 46 755 adam, onyń ishinde 14 589 bala qutqaryldy jáne evakýasıalandy, 60 myń aýyl sharýashylyǵy janýary aıdaldy. Bul rette áýe kemelerimen 2 602 adam, onyń ishinde 759 bala evakýasıalandy. Ýaqytsha ornalasý pýnktterinde 12 541 adam, onyń ishinde 6 439 bala bar. 7 mln. m3 (ótken táýlikte 344 myń. m3) erigen qar sýy soryldy, 900 myń qap (ótken táýlikte 52 myń) jáne 969 myń tonna ınertti materıal (ótken táýlikte 20 myń tonna) tóseldi. «Jedel jeli» telefonyna 902 qońyraý tústi.
Sý shaıǵan 86 avtojol, onyń ishinde 4 kópir jáne 82 jol tósemi, sý júrgen 114 avtojol baqylaýda. Jergilikti atqarýshy organdar halyqpen baılanys ornatyp, qajetti azyq-túlik jáne dári-dármek qorlaryn qurǵan 70 eldi meken kólik qatynasynsyz qaldy.
Aqtóbe oblysynda Qarǵala ózeninde deńgeıdiń kóterilýine baılanysty Aqtóbe qalasy Almaty aýdanynyń baý-baqsha ujymdarynan 106 adam, onyń ishinde 33 bala evakýasıalandy. Sondaı-aq, Hromtaý aýdanyndaǵy erigen sýlardyń aǵýyna, Magadjan bógetiniń tolyp ketýine jáne proranyna baılanysty Alǵa aýdanynyń Besqospa jáne Qyzyltý aýyldarynyń sý basýy múmkin aımaǵynda 200 adam, onyń ishinde 80 bala Bestamaqı aýylynyń evakýasıalaý pýnktterine jáne týystaryna evakýasıalandy. Sý deńgeıi tómendedi.
Atyraý oblysynda Jem ózeninde sý deńgeıiniń kóterilýine baılanysty Jylyoı aýdanynyń Qulsary qalasynda. Jadyrasyn shaǵyn aýdan, Áýejaı, Vahtalyq, №2,3,5 sý astynda qaldy. Aldyn ala 2500 jeke turǵyn úı men 5 áleýmettik nysandy sý basý oryn aldy, 13 915 adam, onyń ishinde 4 724 bala evakýasıalaý pýnktterine evakýasıalandy, elektrmen jabdyqtaý óshirildi.
Qostanaı oblysynda qardyń qarqyndy erýine jáne eldi mekenderdi sý basý qaýpine baılanysty Qarasý aýdanynyń Qarasý, Qaramyrza, Shyǵys aýyldarynda, Qarabalyq aýdanynyń Svátoslavka aýylynda, Amangeldi aýdanynyń Qosjan aýylynda, Alakól qystaýynda, Áýlıekól aýdanynyń Kóktal aýylynda, Qostanaı aýdanynyń Tobyl qalasy Altynsarıno aýylynda, B.Maılın atyndaǵy aýdannyń Nıkolaevka aýylynda, Qostanaı qalasy «Sadovod», «Dorojnık», «Mıchýrınes» baqsha qoǵamdarynda 534 adam aldyn ala evakýasıalandy, onyń ishinde 193 bala jáne aýyl sharýashylyǵy janýarlary qaýipsiz jerge aıdaldy.
Avarıalyq-qutqarý jumystaryna TJM, QM, İİM, UQK, jergilikti atqarýshy organdardyń, uıymdardyń 8,6 myńnan astam adam, 1,7 myń tehnıka, 411 sý aıdaý quraly jáne 65 júzý quraly, 10 áýe kemesi jumyldyryldy.