"Qazgıdromet" RMK sınoptıkteri elimiz boıynsha 2025 jylǵy 10, 11 jáne 12 shildege arnalǵan aýa raıy boljamyn usyndy, dep habarlaıdy aqshamnews.kz
Mamandar batysta óte qatty ystyq bolatynyn eskertedi.
Meteorologtar taratqan aqparatqa sáıkes, elimizdiń batysynda joǵary qysym órisiniń áserinen ystyq jáne shýaqty aýa raıy kútiledi, al Qazaqstannyń qalǵan aýmaǵynda atmosferalyq frontaldy bólikterdiń jyljýy saldarynan naızaǵaı oınap, jańbyr jaýady dep boljanady.
"Elimizdiń ortalyǵynda, 10-11 shildede ońtústik-shyǵysta, 11-12 shildede elimizdiń soltústiginde, shyǵysynda qatty jańbyr jaýyp, burshaq túsedi, daýyl turady dep kútiledi. Respýblıka boıynsha ekpindi jel soǵady", delingen "Qazgıdromet" RMK-nyń baspasóz qyzmeti taratqan aqparatta.
Temperatýralyq fonǵa keletin bolsaq, aýa raıynyń qarama-qaıshy qubylysy oryn alady dep bolanady:
kúndiz respýblıkamyzdyń batysynda, ońtústik-batysynda 40-44 gradýs qatty ystyq bolady dep kútilýde; soltústik óńirde kúndiz temperatýra 22-27-den 17-23 gradýsqa deıin tómendeýi múmkin;
shyǵysta temperatýranyń negizgi fony - 20-28 gradýs ystyq;
ońtústikte synap baǵany birtindep 25-37-den 38-43 gradýsqa deıin kóteriledi;
elimizdiń ońtústik-shyǵysynda kúndiz synap baǵandary 25-30 gradýsqa deıin jetedi.