Bul Qarjy mınıstri Erulan Jamaýbaevtyń sózi.
Mınıstrdiń aıtýynsha, jyl basynan beri kedende taýarlarǵa tólenetin baj salyǵy esebinen 175 mlrd teńgeden astam qarajat túsken, dep habarlaıdy Almaty-akshamy.kz
«Qazir kedennen túsetin salyq dınamıkasy jaqsy, artyp kele jatyr. Jyl basynan beri kedende taýarlarǵa tólenetin baj salyǵy esebinen 175 mlrd teńgeden astam qarajat tústi. Byltyrǵy uqsas kezeńnen 25 paıyz artyq. Byltyr negizgi sebep pandemıa bolyp, tabys kemigen. Odan keıin taýardy ákelgende baj salyǵyn tolyq tólemeý faktileri boldy. Onymen quqyqtyq organdar shuǵyldanyp jatyr. Buǵan deıin aıtqanymdaı, memleketke kelgen 165 mlrd teńge shyǵyndy bıyl toltyrýǵa barynsha kúsh salamyz», - dedi mınıstr.
Buǵan deıin kedendegi zańsyzdyqtardan memleketke 165 mlrd teńge shyǵyn kelgeni aıtylǵan edi.