Mamandar sebepterin anyqtap jatyr.
Fort-SHevchenkonyń ortalyq jaǵalaýynda ıtbalyqtardyń ólekseleri qaıtadan tabylyp jatyr, dep habarlaıdy Almaty-akshamy.kz Egemen.kz silteme jasap.
18 mamyrda jergilikti turǵyn Fort-SHevchenko jaǵalaýynda serýendeý kezinde óli ıtbalyqtardy tapty.
«Eger ári qaraı júretin bolsaq, onda áli de óli ıtbalyqtardy kóremiz, óıtkeni ol jaqta qustardyń bir nárse jep jatqanyn kórdim», - dedi kýáger.
Sondaı-aq ol Túpqaraǵan aýdanynyń ákimdiginde qazirgi ıtbalyqtardyń qyrylý sebepteri anyqtalyp jatqanyn atap ótti.
Aıta ketsek, Kaspııde ıtbalyqtardyń qyrylyp jatqany buryn da baıqalǵan edi. Osy jyldyń 27 sáýirinde Kaspıı teńiziniń Mańǵystaý bóliginiń jaǵalaýyn zertteý jumystaryn jalǵastyrý barysynda óli ıtbalyqtardyń 94 ushasy tabyldy. Sol kezde Ekologıa mınıstrliginiń balyq sharýashylyǵy komıteti jaǵalaýǵa monıtorıń júrgizilip jatqanyn aıtty. Al 14 mamyrda Mańǵystaý oblysynda 64 óli ıtbalyq pen bes bekire tabyldy.
«Teńiz janýarlary men bekire balyqtarynyń ushalary qatty ydyraý satysynda boldy, sonyń saldarynan zertteý júrgizý úshin tinderdiń synamalaryn alý múmkin bolmady. Demek olardyń ólimi qysta bolǵan dep boljaýǵa bolady», dedi Ekologıa, geologıa jáne tabıǵı resýrstar mınıstrliginiń baspasóz qyzmeti.