Kazakhmys Distribution Sátbaevta "jaýǵan" qara qarǵa baılanysty málimdeme jasady, dep habarlaıdy almaty-akshamy.kz
Birqatar BAQ 2024 jylǵy 31 qańtarda Sátbaev qalasynda lastanǵan qar túrindegi jaýyn-shashyn túskeni týraly aqparat taratyp jatyr. Bul is-shara jylýdy, elektr energıasyn, sýmen jabdyqtaý jáne kanalızasıany óndirý, tasymaldaý, bólý jáne jabdyqtaý salasynda qyzmet kórsetetin Kazakhmys Distribution JSHS qyzmetimen baılanysty. Aıtýlarynsha, kásiporyn qoldanyp júrgen tazartý qondyrǵylary eskirgen, durys jumys istemeıdi. Bul aqparat shyndyqqa janaspaıtynyn jetkizemiz", - delingen habarlamady.
Kompanıanyń málimetinshe, Sátbaev qalasynyń shetinde ornalasqan №1 jylý stansıasy qalany jáne oǵan jaqyn ornalasqan óndiristik nysandardy jylý energıasymen jáne ystyq sýmen qamtamasyz etedi. Onyń úsh uıymdasqan shyǵaryndylar kózi bar:
- tazartý koefısıenti 98,5-99% kúl jınaý qondyrǵysy ornatylǵan PTVP-100 ystyq sý qazandyqtarynyń murjasy;
- jınaý qondyrǵylary 80-92% tazalaý koefısıenti bar ónimdiligi 26000 m3/saǵ jumys isteıtin DKVR 10/13 bý qazandarynyń murjasy;
- jobalyq sheshimge sáıkes jasalǵan ashyq kómir qoımasy.
Sonymen birge habarlamada 2024 jylǵy 31 qańtarda Kazakhmys Distribution JSHS ashyq qoımasynda kómir túsirilgeni aıtylǵan. Ońtústik-batystan soqqan ekpini 20-25 m/s bolatyn kúshti jeldiń saldarynan kómir shańynyń kóptegen usaq bólshekteri Sátbaev qalasynyń aýmaǵyna qaraı jelmen ushqan.
"Bul tabıǵı fors-majordyń tazartý qondyrǵysynyń jumysyna esh qatysy joq. Kúl jınaý jumystary qalypty rejımde atqarylyp jatyr. Aıta keterligi, jylytý maýsymyna daıyndyq kezeńinde jyl saıyn jóndeý jumystary, onyń ishinde ystyq sý jáne bý qazandyqtarynyń kúl jınaý júıelerin jóndeý jumystary júrgiziledi".Kazakhmys Distribution JSHS