Qatar eli qorshaǵan ortany qorǵaýǵa arnalǵan tehnologıalarǵa den qoıdy. Qazir onda fýtboldan álem chemponatyna qyzý daıyndyq júrip jatyr. Teńbil doptyń basty dodasy ótetin stadıon qurylysy jan-jaqty oılastyrylǵan. Atap aıtqanda, kómirtegin beıtaraptandyrý júıesiniń kómegimen energıany únemdeıtin qurylǵylar ornatylmaq. Bul týraly Almaty-akshamy.kz 24.kz-ke silteme jasap habarlaıdy.
Dúnıe júzi kóz tigetin ala doptyń alamany bıyl Qatar elinde ótetini belgili. Qarashaǵa belgilengen álem chemponatyna daıyndyq qyzý júrip jatyr. Uıymdastyrýshylar aýqymdy is-shara kezindegi adamdardyń qaýipsizdigimen qatar qorshaǵan ortany qorǵaýdy oılastyryp qoıǵan. Atap aıtqanda, kómirteginiń az bólinýin qamtamasyz etý maqsatynda energıany az tutynyp, qaıta óńdeýdi qolǵa almaq. Stadıon qurylysynda osy qaǵıda negizge alynǵan.
Álbara k. Ábýkeshek, «Lýsaıl» stadıony dırektorynyń orynbasary:
- Stadıon salý kezinde onyń jertólesin bıiktetip qoıdyq. Bul ınjenerlik turǵydan ońtaıly sheshim. Ochsylaısha nysan kóp energıany qajet etpeıdi. Sondaı-aq qoqysty qaıta óńdeý júıesi de oılastyrylǵan. Qoldanylǵan sýdyń bólek sýaǵarǵa túsedi de ǵımaratty tazalaý men káriz júıesiniń qyzmetine qoldanylady.
Stadıondar alynbaly modýlderden salynbaq. Álem chempıonaty ótken soń modýlder alynyp, nysandardyń alyp jatqan keńistigi dúken men qonaqúılerdiń kádesine jaratylady. Al Ál-Djanýb alańy álemdegi alǵashqy kóshpeli jasyl stadıon ataýyna ıe bolmaq.
Ýıláms Kampo, «Ál-Djanýb» stadıonynyń úılestirýshi menedjeri:
- Ál-Djanýb stadıony 40 myń orynǵa laıyqtalyp salyndy. Álem chempıonatynan keıin demontaj jasap qaıta jınap alamyz. Ústińgi oryndar sany 20 myńǵa deıin qysqarady. Keıin alynbaly oryndyqtardy muqtaj elderge tabystaımyz.
Qaladaǵy kólik qatynasyna qatysty jergilikti bıliktiń óz jospary bar. Týrıser aǵylǵan tusta turǵyndardy meılinshe qoǵamdyq kólikpen júrýge úgittep jatyr. Stadıonnyń qasynda fýtbolshylar men jankúıerlerdi tasıtyn 700 elektroavtobýstar turaǵy salyndy. Qatardaǵy teńbil doptyń bas báıgesi qarashanyń 20-synda bastalatynyn eske sala keteıik. Osylaısha bul chempıonat ekologıa máselesine den qoıǵan aýqymdy is-shara retinde fýtbol tarıhyna enbek.