On fýtbolshynyń segizi óz elderiniń quramasy sapynda álem chempıonatynyń júldesi úshin talasady
Lıonel Messı men Kılıan Mbappe Qatarda ótip jatqan fýtboldan álem chempıonatynda úzdik oıynshylar tiziminde kósh bastap tur, dep habarlaıdy Almaty-akshamy.kz QazAqparatqa silteme jasap.
Goal basylymy jartylaı fınaldyq machtar ótkennen keıin úzdik on oıynshynyń tizimin jańartty.
Budan burynǵy tizimmen salystyrǵanda, úzdik úshtik ózgerissiz qaldy. Argentına quramasynyń kapıtany Lıonel Messı kósh basynda bolsa, Fransıa shabýylshylary Kılıan Mbappe men Antýan Grızmann ekinshi, úshinshi orynda.
Úzdik ondyq:
Lıonel Messı (Argentına);
Kılıan Mbappe (Fransıa);
Antýan Grızmann (Fransıa);
Sofán Amrabat (Marokko);
Ashraf Hakımı (Marokko);
Nıkolas Otamendı (Argentına);
Hýlıan Alvares (Argentına);
Olıve Jırý (Fransıa);
Brýný Fernandesh (Portýgalıa);
Rısharlıson (Brazılıa).
Úzdik ondyqtaǵy ózgeris - oǵan Argentına qorǵaýshysy Nıkolas Otamendı, shabýylshysy Messı Hýlıan Alvares jáne Fransıa surmergenderiniń biri Olıve Jırý kirdi.
On fýtbolshynyń segizi óz elderiniń quramasy sapynda álem chempıonatynyń júldesi úshin talasady.
17 jeltoqsanda qola júlde úshin Horvatıa men Marokko jasyl alańǵa shyǵady. 18-inde fınalda Argentına men Fransıa oınaıdy.
Fýtbol jankúıerleri Argentına men Fransıa machynda aldymen L.Messı men K.Mbappe básekesine kóz tigeri anyq. Qazir ekeýiniń de enshisinde 5 goldan bar. Fınalda qaısysy gol soǵyp, komandasyna jeńis áperedi, sol alǵa shyǵyp, chempıonattyń úzdik oıynshysy atanýy ábden múmkin.
Eske sala keteıik, budan buryn Fransıa quramasynyń qaqpashysy Ýgo Lorıstiń Manýel Noıerdiń jetistigin qaıtalaǵanyn jazǵan bolatynbyz.
Sondaı-aq fýtboldan álem chempıonatynda Fransıa fınalǵa shyqty.
Fransıa – Marokko machynda úzdik oıynshy atanǵan Antýan Grızmann rekord jańartty.
Fransıa – Marokko machynan keıin jankúıerler qaqtyǵysynda 14 jasar jasóspirim kóz jumdy.