Aqtaý qalasynyń turǵyny oblys ákiminiń Telegram-kanalyna aryz jazyp, «Kaspıı» fýtbol klýby nebári 3 aıda 600 mln teńge jaratqanyn aıtty. Onyń sózinshe, taǵy úsh aıda klýbtyń jyldyq búdjeti taýsylady.
Shaǵymdanýshy er adamnyń pikirinshe, «Kaspııdiń» negizgi búdjeti taýsylǵan soń olar jergilikti ákimdikten taǵy aqsha alady.
«Fýtbol klýbyna munshama qarajatty berýdiń ne qajeti bar? Klýb nebári úsh aıda 600 mln teńge jaratty. Taǵy úsh aıda aqshasy bitedi. Qalǵan alty aıda olar ne isteıdi, taǵy aqsha bólemiz be?» - dep surady Aqtaý turǵyny oblys ákiminen.
Oblys ákiminiń ornyna bul saýalǵa oblystyq Dene shynyqtyrý jáne sport basqarmasy jaýap berdi.
«2024 jyly túzilgen ekijaqty kelisimsharta Mańǵystaý oblysynyń ákimdigi «Kaspıı» kásibı fýtbol klýbyna qosymsha qarajat bermeıtini kórsetilgen. Sondyqtan klýb 2024 jylǵa bólingen qarajat aıasynda jumys istep jatyr jáne qosymsha qarjylandyrý surap jatqan joq. Qazirgi tańda qosymsha seriktester men demeýshiler tartý jumystary júrgizilip jatyr», - dep málimdedi klýbtyń baspasóz qyzmeti.