Bas bapker olarǵa sońǵy ret eskertý jasady
Anglıa Premer-lıgasynyń 33-týrynda «Chelsı» óz alańynda «Everton» komandasyn qabyldap, 6:0 esebimen oısyrata jeńdi.
Kezdesýdiń 62-mınýtynda «Chelsı» fýtbolshylary 11 metrlik aıyp dobyn tebýge múmkindik alǵan. Alaıda, oıynshylar penaltı tebýge talasyp, jankúıerler aldynda masqarasy shyqty, dep habarlaıdy almaty-akshamy.kz.
Nıkolas Djekson men Nonı Madýeke shtattaǵy penaltıst Koýl Palmermen talasyp qaldy. Sońǵysy penaltıge deıin het-trık jasap úlgergen. Sondyqtan komandalastary múmkindikti ózderi paıdalanǵysy keldi. Alaıda, Palmer dopty áriptesterine bermeı, aıyp dobyn ózi teýip, tórtinshi golyn saldy.
«Palmer – bizdiń penaltı tebetin oıynshymyz. Endi mundaı talas qaıtalanbaıdy. Fýtbolshylar ózderin balalar sekildi ustady. Bul uıat. Oıynshylarǵa sońǵy ret bolsyn dep eskertý jasadym. Bul qaljyń emes», - dedi machtan keıin «Chelsı» bapkeri Maýrısıo Pochettıno.