Saýda ortalyǵynda almatylyq eki azamat bomba jaıly orynsyz ázildegeni úshin jazalandy, – dep habarlaıdy almaty-akshamy.kz.
6 sáýirde Almatyda “Dostyk Plaza” saýda ortalyǵyndaǵy kınoteatrdyń kúzet qyzmetkeri saýda ortalyǵynyń aýmaǵynda bir-birimen jarylǵysh qurylǵy týraly sóılesken eki kúdikti er adamdy baıqaǵan. Bul derek týraly dereý qalalyq tótenshe jaǵdaılar qyzmetine habarlanyp, atalǵan adamdar ustaldy.
Saýalnama barysynda bul adamdar kınoteatrdyń janynda, 3-qabatta turyp, “Meniń bombam qaıda?”, “Bombany qaıda qoıamyz?” dep ázildep aıtqany anyqtaldy. Sol mańda kezdeısoq bolǵan kúzet qyzmetkeri qyraǵylyq tanytyp, kúdikti áńgimesin basshylarǵa jetkizgen. Bul derektiń jalǵan bolyp shyqqanyna qaramastan, saýda ortalyǵynyń qaýipsizdik qyzmeti men polısıa qyzmetkerleriniń áreketi lańkestik sıpattaǵy yqtımal qaýip-qaterge qalalyq tótenshe jaǵdaılar qyzmetiniń ázirligin kórsetti.
Ustalǵan azamattarǵa qatysty QR ÁQBtK-niń 434-babynyń 1-bóligi (Usaq buzaqylyq) boıynsha ákimshilik hattama toltyryldy.