200 jyldyq tarıhy bar jádiger murajaı qoryna tapsyryldy
Tanymal arheolog Andreı Astafev 200 jyl buryn Kaspıı teńizinde bolǵan kemeniń bekitý burandalary men shegelerin tapty, dep habarlaıdy Almaty-akshamy.kz.
Tarıhı jádiger Túpqaraǵan aýdanyna qarasty «Túlkili saı» degen jerdegi teńiz jaǵalaýynda kómilip jatqan.
Arheologtyń málimetinshe, keme HVIII ǵasyrdyń sońynda Kaspıı teńizinde apatqa ushyraǵan. Sý quralynyń aǵash shantaǵyn sý shaıyp ketkenimen, temir buıymdar teńiz túbinde shógip qala bergen.
Andreı Astafev bul oljany Ábish Kekilbaıuly atyndaǵy oblystyq tarıhı-ólketaný mýzeıiniń qoryna tapsyrdy.
Arheologtyń murajaıǵa bergen syıy jalǵyz bul emes.
«Qaraqabaq qalashyǵyna arheologıalyq qazba jumystaryn júrgizý kezinde úńgirge tap bolyp, onyń ishinen kendir arqan men arqanǵa baılanǵan ilmekter tapqan. Kemege qatysty zattar ekeni kórinip tur. Keme bir ǵasyr buryn ázirlense de, qurǵaq jerde jatqandyqtan, jaqsy saqtalǵan», - deıdi Mańǵystaý oblysy ákiminiń baspasóz qyzmeti.