Sý resýrstary jáne ırrıgasıa mınıstrligi Kaspıı teńizine 1 mlrd tekshe metrge jýyq sý jiberdi.
Tasqyn sýy 4 arna: Baqsaı, Naryn, Chernaıa rechka jáne Sokolok arqyly ótti, dep habarlaıdy Almaty-akshamy.kz Sý mınıstrligine silteme jasap.
Jalpy, bul arnalar táýligine 12 mıllıon tekshe metrge deıin sý ótkize alady. Olardyń árqaısysynda Sý resýrstary jáne ırrıgasıa mınıstrliginiń «Qazsýshar» mekemesiniń mamandary tazartý, nyǵaıtý jáne basqa da jumystar júrgizdi. Mysaly, Sokolok kanalynyń boıynda uzyndyǵy 14,5 shaqyrym qosymsha arna qazyldy, ol arqyly tasqyn sýy Kaspııge jiberiledi.
«Sondaı-aq biz Jaıyq ózeni arqyly sýdy lımandarǵa baǵyttaımyz. Al, Oıyl ózeninen sý lımandardan bólek, jerasty sýlarynyń oryndaryn toltyrý úshin de jiberiledi. Osyǵan deıin biz Balqash kóline sý jiberip, onyń deńgeıin 15 sm-ge kóterdik, BQO Qamys-Samar kólderine, Ulytaýdan Qyzylorda oblysynyń kólderine sý jiberdik, Aqmola oblysynyń kólderin toltyrdyq. Bizdiń aldymyzdaǵy birinshi kezektegi mindetterdiń biri - kólderdi tasqyn sýmen toltyrý», - dedi Sý resýrstary jáne ırrıgasıa mınıstri Nurjan Nurjigitov.