194,7 myń adamnyń 73,5 myńy turaqty jumysqa ornalasqan.
Bıylǵy 1 mamyrdaǵy jaǵdaı boıynsha 2021 – 2025 jyldarǵa arnalǵan Kásipkerlikti damytý jónindegi ulttyq jobaǵa 286,2 myń adam qatysty. Bul týraly Almaty-akshamy.kz QR Eńbek jáne halyqty áleýmettik qorǵaý mınıstrliginiń baspasóz qyzmeti taratqan málimetterge silteme jasap habarlaıdy.
Baspasóz qyzmetiniń málimetterine qaraǵanda, 194,7 myń adam jumysqa ornalasty, onyń 73,5 myńy turaqty jumysqa ornalasty.
Sýbsıdıalanatyn jumys oryndaryna 121,2 myń adam ornalastyryldy. Onyń ishinde áleýmettik jumys oryndarymen 13,5 myń adam, jastar praktıkasymen 7,4 myń adam, qoǵamdyq jumystarmen 87,5 myń adam qamtyldy.
Sondaı-aq «Alǵashqy jumys orny» jobasy aıasynda 3,1 myń adam, «Urpaqtar kelisimsharty» jobasy aıasynda 92 adam, «Kúmis jas» jobasy aıasynda 9,6 myń adam jumysqa ornalasqan.