412,5 myń adam jumysqa ornalasty.
Bıylǵy 1 jeltoqsandaǵy jaǵdaı boıynsha, 2021-2025 jyldarǵa arnalǵan kásipkerlikti damytý jónindegi ulttyq jobaǵa 649,6 myń adam qatysty, dep habarlaıdy Almaty-akshamy.kz.
412,5 myń adam jumysqa ornalasty. Onyń 292,4 myńy turaqty jumysqa ornalasty.
Jumys berýshilerdiń ótinimderi boıynsha kásiptik oqytýǵa 13,8 myń adam jiberildi.
Óz kásibin bastaý úshin 21,7 myń adam memlekettik grant aldy.
«Sýbsıdıalanatyn jumys oryndaryna 168,4 myń adam ornalastyryldy. Onyń ishinde áleýmettik jumys oryndarymen 14,5 myń, jastar praktıkasymen 28,4 myń, qoǵamdyq jumystarmen 118,3 myń adam, «Alǵashqy jumys orny» jobasy aıasynda 3,8 myń, «Urpaqtar kelisimsharty» jobasy aıasynda 534 adam, «Kúmis jas» jobasy aıasynda 2,9 myń adam jumyspen qamtyldy», - delingen Eńbekmıni baspasóz qyzmetiniń habarlamasynda.
Sondaı-aq qyzmet salasyn tańdaý maqsatynda 143,6 myń adam áleýmettik kásiptik baǵdarlaýdan ótti.
Eske salaıyq, buǵan deıin halyqty jumyspen qamtýǵa arnalǵan sharalar Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda júzege asyryldy. 2021 jyly baǵdarlamaǵa 651,8 myń adam qatysty.
Memlekettik baǵdarlamaǵa qatysýshylar turaqty jáne sýbsıdıalanatyn jumys oryndarymen qamtyldy. Sondaı-aq olarǵa kásipkerlikti damytý úshin mıkronesıe men qaıtarymsyz memlekettik grant berilip, qoldaý kórsetildi. Qysqa merzimdi kýrstarda jáne kásiptik-tehnıkalyq bilim berý uıymdarynda oqytyldy.
Budan bólek, «Eńbek» baǵdarlamasyndaǵy baǵyttardyń biri aıasynda jumys kúshi artyq óńirlerden jumys kúshi tapshy óńirlerge kóshirildi.