Akademıktiń atynda Almaty qalasynda kóshe jáne Almaty oblysy Kerbulaq aýylynda mektep bar.
Almaty Energetıka jáne baılanys ýnıversıtetinde belgili ǵalym, profesor Jambyl Tobaıaqov atyndaǵy zerthana-dárisqana ashyldy, dep habarlaıdy Almaty-akshamy.kz.
20 jeltoqsanda Jaratylystaný ǵylymdary akademıasynyń akademıgi, Qazaqstan Respýblıkasynyń Jýrnalıser Odaǵynyń múshesi, Qazaqstan Respýblıkasynyń “Qazaq tili” qoǵamynyń basqarma múshesi, ǵylymı-ustaz, profesor Tobaıaqov Jambyl Oshaqbaıuly atyndaǵy zerthanalyq dárisqananyń ashylý saltanaty ótti.
Ǵalym-professor Jambyl Tobaıaqov 1975 jyly Almatyda energetıka ınstıtýtynda fızıka fakúltetiniń negizin qalap, ony 10 jyl boıy basqarǵan. 1994 jyldan bastap ómiriniń sońyna deıin osy JOO-nyń rektorynyń tárbıe isi jónindegi prorektory qyzmetin atqardy. Ol pedagog retinde fızıka jáne energetıka salasyndaǵy kóptegen izbasar tárbıelep, ǵylym salasynyń órkendeýine úles qosty. Ómirin ǵylymǵa arnaǵan ǵalymnyń 100-den astam ǵylymı eńbegi, ondaǵan kitaby, monografıasy, sózdigi bar. Akademıktiń atynda Almaty qalasynda kóshe jáne Almaty oblysy Kerbulaq aýylynda mektep bar.
Bıyl ózi eńbek etken Almaty Energetıka jáne baılanys ýnıversıtetinde ashylǵan zerthana-dárisqana sońǵy tehnologıalarmen, Jambyl Oshaqbaıulynyń ómiri men qyzmetinen habar beretin stendtermen jabdyqtalǵan.
Atalmysh sharany Ǵaryshtyq ınjenerıa kafedrasy, Telekomýnıkasıa jáne Ǵaryshtyq ınjenerıa ınstıtýty uıymdastyrǵan.