Almaty oblysy boıynsha Sybaılas jemqorlyqqa qarsy qyzmet Taldyqorǵan qalasy ákimdiginiń kásipkerlik bóliminiń laýazymdy tulǵalary bolyp tabylatyn monıtorıńtik top músheleriniń sybaılas jemqorlyq áreketteriniń jolyn kesti, dep habarlaıdy almaty-akshamy.kz
Taldyqorǵan qalasy ákimdiginiń kásipkerlik bólimniń basshysy óziniń qaramaǵyndaǵy bas mamanmen sóz baılasyp, Covid-19 koronavırýstyq ınfeksıamen kúres boıynsha daǵdarysqa qarsy sharalar kezinde adamdar kóp jınalatyn is-sharalardy uıymdastyrýǵa jáne ótkizýge tyıym salynǵanyna qaramastan, qala restoratorlary men jappaı saýda ókilderinen olarǵa qatysty ákimshilik sharalar qabyldamaý úshin júıeli negizde 20 myńnan 270 myń teńgege deıin para alǵan.
Sondaı-aq, joǵaryda atalǵan para somasyn bergen meıramhanalardyń 5 ákimshisi qylmystyq jaýapkershilikke tartylady.
Laýazymdy adamdar ýaqytsha ustaý ızolátoryna qamaldy, bultartpaý sharasyn tańdaý týraly másele sheshilýde.
Tergeý jalǵasýda.
QİJK-niń 201-babyna sáıkes, tergeý múddesine baılanysty basqa da málimetter jarıa etýge jatpaıdy.