Kásibin jetik meńgergen maman jumyssyz qalmaıdy

Almaty servıs jáne tehnologıalar koleji – elimizdegi jetekshi bilim berý uıymdarynyń biri. Qabyrǵasy sonaý HH ǵasyrdyn 50-shi jyldarynda qalanǵan.

Shırek ǵasyrlyq tarıhy bar oqý ordasy – «Almaty servıs jáne tehnologıalar kol­ledji» óz kásibin jetik meńgergen, naryqta suranysqa ıe mamandar daıarlap keledi. Qazirgi tańda kolejde 1100 stýdent bilim alyp jatyr. Olardyń sapaly bilim alýlary­na jan-jaqty jaǵdaı jasalǵan. Zamanaýı jabdyqtalǵan 250 oryndy jataqhana bar. Kolejde bilim alyp jatqan áleýmettik az qamtylǵan, ata-ana qamqorlyǵynsyz qalǵan, kópbalaly otbasynan shyqqan stýdentter ystyq tamaqpen qamtamasyz etedi. Buǵan qosa, úzdik oqıtyn, erekshe bilimdi qajet etetin jáne ata-ana qamqorlyǵynan aıyryl­ǵan balalar úshin jol aqysy jáne shákirtaqy­ǵa ústemaqy qarastyrylǵan.

Kolej «Shashtaraz óneri», «Tigin óndirisi jáne kıimdi úlgileý», «Qonaqúı bız­nesi», «Baǵdarlamalyq qamtamasyz etý», «Týrızm», «Hımıalyq tazalaý» sıaqty na­ryq suranysyna saı kásibı mamandardy da­ıyndap, oqytyp keledi.

Kezinde «Qazpromsovet ýchkombınaty­nyń» bazasynda qurylǵan Almaty ónerkásiptik kooperasıa tehnıkýmy búginde elimizdegi TjKB jetekshi oqý oryndarynyń biri. Tehnıkýmda «Metaldardy kesý arqyly sýyq óńdeý», «Bylǵary óndirisi», «Býhgal­terlik bólim» mamandyqtary boıynsha kúndizgi bólim ashylǵan. «Tigin óndirisi teh­nologıasy», «Aıaqkıim óndirisi tehnologıa­sy» mamandyqtary boıynsha keshki jáne syrttaı bólim uıymdastyryldy. «Aǵash-jı­haz óndirisi jáne metal óńdeý» jańa maman­dyǵy boıynsha oqytý engizildi. Kóp uzamaı tehnıkým bazasynda tigin sheberhanalary uıymdastyrylyp, artynsha onyń ataýy QazKSR Joǵary jáne orta arnaıy bilim mı­nıstrligi janyndaǵy «Jeńil ónerkásip teh­nıkýmy» bolyp ózgeredi.

Osy ýaqyt ishinde bilim berý baǵdarlama­syna «Maqta-ıirý óndirisi», «Ań terisi jáne qoı terisi-ton buıymdarynyń tehnologıa­sy», «Toqylǵan óndiris tehnologıasy», «Turmystyq maqsattaǵy elektr aparatýra­sy», «Kıimdi hımıalyq tazalaý jáne boıaý» mamandyqtary qosylyp, «Josparly-ekono­mıkalyq bólimshe» jáne «Tehnık-elektrık­ter» mamandyqtary ashyldy. Ótken ǵasyr­dyń jetpisinshi jyldary erekshe bilim berý qajettilikteri bar (atap aıtqanda, estý qabi­leti nashar) oqýshylarǵa arnalǵan alǵashqy «Tehnolog-josparlaýshy» arnaıy toby qu­rylyp, sol jyly «Fototehnıka» mamandy­ǵy ashyldy.

Oqý ordasy qazaq óneriniń damýyna da zor úles qosqanyn atap aıtýǵa tıispiz. Buǵan 1976 jyly ashylǵan «Kórkem-kostúm bólimshesi» mamandyǵy dálel bolsa kerek. Sol jyldary tehnıkýmda elimizdiń teatry men kınosynyń, Máskeý qalasynyń memlekettik akademıalyq Úlken teatrynyń, «Mosfılm» kınostýdıa­synyń belgili qoıýshy-sýretshilerimen jáne rejıserlerimen jıi kezdesýler uıymdasty­ryldy. Sol úrdis áli kúnge jalǵasyp, Abaı atyndaǵy Qazaq memlekettik akademıalyq opera jáne balet teatrymen, respýblıkamyz­daǵy basqa da teatrlarmen tabysty eńbek etip keledi. Osynaý jyldar ishinde «Toqyma jab­dyqtaryn jóndeý jáne baptaý», «Tigin óndirisi jáne kıimdi modeldeý», «Shashtaraz óneri jáne sándik kosmetıka» mamandyqtary qazaq tilinde oqytyla bastady. Naryq tala­byna saı «Árleý óndirisiniń tehnologıasy» mamandyǵy ashyldy.

Oqý mekemesi 1995 jyly «Almaty ser­vıs koleji» bolyp ózgertilip, «Qonaqúı sharýashylyqtary men týrısik keshenderge qyzmet kórsetýdi uıymdastyrý», «Áleý­mettik jumys» mamandyǵy (áleýmettik qyz­metker, zańger biliktiligi boıynsha) ashyldy. Almaty qalasy ákimdiginiń qaýlysy boıyn­sha qalalyq Bilim basqarmasyna qarasty «Almaty servıs koleji» memlekettik kom­mýnaldyq kásiporny 2008 jyly «Almaty memlekettik servıs jáne tehnologıalar koleji» memlekettik komýnaldyq qazyna­lyq kásiporyn bolyp qaıta quryldy.

Kolej ujymy «Shashtaraz óneri jáne sándik kosmetıka» mamandyǵy boıynsha «WorldSkills Almaty» halyqaralyq chempıo­natyna qatysyp, birinshi júldeli orynǵa, osy jyly Máskeý qalasynda ótken «Etno- Erato – 2018» ulttyq kostúmniń HVİİİ Eýra­zıalyq Joǵary sán baıqaýynda «Qalalyq kollaj» koleksıasymen birinshi júldeli orynǵa, «Etno-Erato – 2019» ulttyq kos­túmniń HİH Eýrazıalyq Joǵary sán baı­qaýynda «Zamanaýı kostúmdegi etnıkalyq motıvter» nomınasıasy boıynsha «Samǵaý» koleksıasymen ekinshi júldeli orynǵa ıe boldy. Sondaı-aq, Iakýtsk qalasynda «Etno- Erato – 2022» ulttyq kostúmniń HHİ Eýra­zıalyq Joǵary sán baıqaýyna qatysyp, «Úzdik Shyǵys kostúmi» nomınasıasynda birinshi júldeli orynǵa ıe boldy.

Kolejdiń bilikti mamandar daıarlaýǵa múmkindik beretin oqý-materıaldyq bazasy óte baı. Oqý ornynda asqana, jataqhana, akt zaly, tigin sheberhanalary, hımıalyq taza­laý zerthanasy, shashtaraz salondary, «Jas maman» jobasy boıynsha tigin isiniń resýrs­tyq oqý ortalyǵy jáne taǵy basqa qajetti qurylǵylar bar. Zamanaýı ınfraqurylymǵa ıe oqý orny jas urpaqqa sapaly bilim berý júıesindegi mańyzdy ári negizgi býyn bolyp tabylady.

Kolej «Shashtaraz óneri», «Tigin óndirisi jáne kıimdi úlgileý» mamandyqtary­men qosa, sońǵy ýaqytta «Baǵdarlamalyq qamtamasyz etý» mamandyǵy boıynsha da bilim berip jatyr. «Jas maman» jobasy bo­ıynsha sheberlerimiz syrly oıýdyń syzbasyn naqyshyna keltirip, qazaq eliniń ǵana emes, álem sahnasyn moıyndatatyn sán álemi av­torlarynyń qatarynan kórinip júrgenin maqtanyshpen aıta alamyz. Bul rette oqý orny erekshe qabiletti qajet etetin balalarǵa tárbıe men bilim bere otyryp, elimizdegi bir­shama kásiporyndardyń suranysyn qamtama­syz etip otyrǵanyn erekshe atap ótken jón.

Sonymen qatar, bıylǵy oqý jylynda kolej Almaty qalasy boıynsha alǵashqy bolyp, «Tigin óndirisi jáne kıimdi úlgileý» mamandyǵyna Fransıa eliniń Parıj qalasy­nan Eýropalyq aımaqta joǵary bilim sapa­syn qamtamasyz etý boıynsha standarttar men usynystardyń aǵymdaǵy nusqasy negizinde akredıtteýden ótip, Fransıanyń aldyńǵy qatarly oqý oryndarymen ózara is- tájirıbe almasý baǵytynda Memorandýmǵa qol qoıdy. Kolejdiń negizgi maqsaty – jeńil ónerkásiptiń, IT-tehnologıalardyń, sondaı-aq jetekshi kásiporyndary talap etetin qyzmetter men bıznes salasynyń bo­lashaq mamandaryn, qoǵamnyń zıatkerlik elıtasyn daıyndaý bolyp tabylady.