«Akvaósirý týraly» zań aıasynda kólde nemese tor qorshamada ósirý qyzmetin júzege asyrýǵa arnalǵan sharttardy merziminen buryn buzý negizderi qarastyrylǵan.
Depýtattar engizgen túzetýler aıasynda akvasharýashylyq salasyndaǵy adal emes sýbektilerdiń tizilimi jasalady, dep habarlaıdy aqshamnews.kz Májiliske silteme jasap.
Osy tizilimge engizilgen, sharttyq mindettemelerin oryndamaǵan akvasharýashylyq sýbektilerine balyq sharýashylyǵy sý aıdyndary men ýchaskelerin bekitýge 5 jyl boıy ótinim berýge tyıym salynady.
Halyqaralyq jáne respýblıkalyq mańyzy bar sý aıdyndaryndaǵy sharýashylyqtar úshin myna mindettemeler belgilendi:
• balyq ósirý kólemin damý josparyna sáıkes júrgizý;
• bıznes-jospar men jobanyń jumys baǵdarlamasyn oryndaý;
• jańa óndiristik nysandardy salý, sonyń ishinde qaıta óńdeý qýattaryn engizý nemese qoldanystaǵy óndiristerdi keńeıtý, rekonstrýksıalaý jáne jańǵyrtý;
• Qazaqstan Respýblıkasynyń salyq zańnamasyna sáıkes tor qorshaýdaǵy sharýashylyq qyzmetin júzege asyrý úshin tólem engizý.
Sondaı-aq akvasharýashylyqty damytýǵa baǵyttalǵan sýbektilerge sýbsıdıalardy utymdy paıdalaný jáne bólý úshin akvasharýashylyq sýbektilerine jáne ony damytýǵa jaýapty sýbektilerge sýbsıdıa berýden bas tartý negizderi, akvasharýashylyqty sýbsıdıalaý aıasynda alynǵan qarajatty qaıtarý talaptary men merzimderine qatysty sharalar qarastyrylǵan.