Jumysshy mamandyqtar jylyna arnalǵan is-sharalar josparyn júzege asyrý sheńberinde 2025 jylǵy 05 mamyr kúni Dýaldyq oqytýǵa qatysýshy, kolejimizdiń áleýmettik seriktesiniń kásiporny – Traveler`s Coffee kofeınásynda 10130300 – Tamaqtandyrýdy uıymdastyrý mamandyǵynyń, 3W10130303 – Aspazshy biliktiligi boıynsha Týrızm jáne qonaqjaılylyq ındýstrıasy kolejiniń úzdik túlekterin jumysqa ornalastyrý boıynsha «Jumysshy mamandyqtarynyń Prof-Marathon» is-sharasy ótkizildi.
Kóptegen jyldar boıy Traveller's Coffee kolejdiń senimdi jáne turaqty áleýmettik seriktesteriniń biri bolyp tabylady, onda bizdiń kolej stýdentteri kásibı tájirıbeden ótip, keıin jumysqa ornalasady. Sonymen qatar Traveller`s Coffee kásiporyndardyń tapsyrysy boıynsha tehnıkalyq jáne kásiptik, orta bilimnen keıingi bilimi bar kadrlardy daıarlaýdyń – maqsatty tapsyrys baǵdarlamasyna qatysady.
Atalǵan is-sharanyń maqsaty – oqý prosesi aıasynda tabysty jumys izdeýge jaǵdaı jasaý, quzyrettilik deńgeıin joǵarylatý jáne jumys berýshiler men jas mamandar arasynda tikeleı baılanys ornatý boldy.
Bir kún ishinde qatysýshylar birqatar master-klastar men semınarlarǵa qatysýǵa múmkindik aldy, onda qoǵamdyq tamaqtaný salasynyń sarapshylary óz tájirıbelerimen bólisip, jumys izdeý boıynsha keńester berdi. Talqylaý taqyryptary túıindeme jazýdan bastap áńgimelesýden ótý erekshelikterin jáne osy saladaǵy tabysty mansap úshin qajetti jeke qasıetterdi damytýǵa deıin qamtydy.
Osy is-shara aıasynda 1 kýrs stýdentteri úshin kofe túrlerin daıyndaý boıynsha master-klass ótkizilip, stýdentter túrli kofe túrleri, kofe daıyndaý daǵdylary, qural-jabdyqtarmen jumys isteı bilý týraly aqparattar aldy.
Mundaı bastamalar aımaqtyń kadrlyq áleýetin qalyptastyrýda mańyzdy ról atqarady jáne jastarǵa kásibı ambısıalaryn júzege asyrýǵa kómektesedi. Bolashaqta mundaı is-sharalardy keńeıtilgen formatta jáne kóptegen jumys berýshilerdiń qatysýymen ótkizý josparlanýda.
Sonymen qatar, is-sharada bos oryndar jármeńkesi uıymdastyrylyp, onda meıramhanalardyń, kafelerdiń jáne basqa da tamaqtaný kásiporyndarynyń ókilderi ózderiniń ashyq pozısıalaryn usyndy. Qatysýshylar jumys berýshilerge suraqtar qoıyp, qoıylatyn talaptar men eńbek jaǵdaılary týraly bilip, áńgimelesýge daıyndalý boıynsha keńester aldy.
İs-sharaǵa qatysqan bitirýshiler onyń paıdalylyǵy men aqparattyq mazmunyn atap ótti.
«Men túıindemeni durys jazý jáne áńgimelesýge daıyndalý týraly kóp aqparat bildim. Sondaı-aq jumysshy izdep júrgen meıramhana ókilderimen de suhbattasýǵa múmkindik týdy», — dep Týrızm jáne qonaqjaılylyq ındýstrıasy kolejiniń túlegi Aleksandr Novıkov óz áserimen bólisti.
Uıymdastyrýshylardyń bul bastamasyn jumys berýshiler de joǵary baǵalady.
«Mundaı is-sharalar bizge daryndy jas mamandardy tabýǵa jáne bitirýshilerge bizdiń olardan ne kútetinimizdi jaqsy túsinýge kómektesedi», - dep Traveller's Coffee kofeınálar jelisiniń Brend-shefy Aslan Iagmýrov atap ótti.
İs-shara 70-ten astam qatysýshylardy, onyń ishinde túlekter men qyzmettik ómirge aldyn ala daıyndalýǵa nıetti stýdentterdi qamtydy.
Uıymdastyrýshylar oqý oryndary men bıznes arasyndaǵy baılanysty saqtaý, sondaı-aq qoǵamdyq tamaqtandyrý salasyna jastardy tabysty jumysqa ornalastyrý maqsatynda mundaı kezdesýlerdi jalǵastyrýdy josparlap otyr. Bul kadrlardyń sapasyn jaqsartyp qana qoımaı, qala mekemelerindegi qyzmet kórsetý deńgeıin de arttyrýǵa múmkindik beredi.
Aronzon Tatána, Traveler`s Coffee kofeınásynyń bas dırektory, Iagmýrov Aslan, Traveler`s Coffee kofeınásynyń Brend-shefy, Abıldaeva Tolkyn – Adamı kapıtaldy damytý bóliminiń basshysy, Almaty qalasynyń Kásipkerler palatasy, sonymen qatar Týrızm jáne qonaqjaılylyq ındýstrıasy kolejiniń dırektory Nýrdaýlet Jabykbaev stýdentterge jumysqa ornalasýdy rastaıtyn sertıfıkattardy tabystady.
Osylaısha, is-shara túlekter men jumys berýshiler úshin jańa kókjıekterdi ashyp, tájirıbe almasý men múmkindikterdi tabýdyń sátti alańyna aınaldy.
Dırektordyń oqý isi jónindegi orynbasary:
Mekebaeva Nazym Ablezovna