Atalǵan shara «France Football» jýrnalynyń uıymdastyrýymen ótkizilip keledi
Fýtboldan 2022 jylǵy «Altyn dop» ıegeri anyqtaldy, dep habarlaıdy Almaty-akshamy.kz QazAqparatqa silteme jasap.
Bul ataqqa bıyl Ispanıanyń «Real Madrıd» jáne Fransıa quramasynyń shabýylshysy Karım Benzema qol jetkizdi.
Atalǵan shara «France Football» jýrnalynyń uıymdastyrýymen ótkizilip keledi.
Mundaı marapatqa ıe bolý úshin fýtbolshylardyń 2021 jylǵy 31 tamyz jáne 2022 jylǵy 31 tamyz aralyǵyndaǵy tabystary nazarǵa alynyp otyr. Úzdik oıynshyny anyqtaýǵa FIFA reıtıńi boıynsha alǵashqy 100 orynda turǵan elderdiń jýrnalıseri daýys berýge múmkindik aldy.
Qazirge deıin Iohan Kroıf, Mıshel Platını, Marko van Basten, Krıshtıaný Ronaldý, Lıonel Messı sekildi úzdik oıynshylar mundaı mártebege úsh ret ıe boldy. Al marapatqa 2 ret qol jetkizgen juldyzdar qatarynda Alfredo dı Stefano, Frans Bekkenbaýer, Kevın Kıgan, Karl-Haıns Rýmmenıgge, Ronaldo bar.
Sondaı-aq, saltanatty shara barysynda áıelder arasyndaǵy «Altyn dopqa» ıspanıalyq «Barselona» sapynan Aleksıa Pýtelás laıyqty dep tanyldy.
Al Ispanıa quramasy men «Barselona» oıynshysy Gavı 21 jasqa deıingi úzdik jas fýtbolshy atandy.
Al Lev Iashın atyndaǵy «Úzdik qaqpashy» nomınasıasyna «Real Madrıd» jáne Belgıa quramasynyń qaqpashysy Tıbo Kýrtýa ıe boldy.
Eske salsaq, 2021 jyly Lıonel Messı «Altyn dop» ıegeri atanǵan bolatyn.