Almatydaǵy Kardıologıa jáne ishki aýrýlar ǵylymı-zertteý ınstıtýtynda klınıkanyń jańartylǵan qabyldaý bólimshesi ashyldy. Qysqa merzimde kúrdeli jóndeýden ótken ǵımarat zaman talabyna saı jabdyqtalǵan, dep habarlaıdy Almaty-akshamy.kz.
Qabyldaý bólimshesi kez kelgen aýrýhananyń «bet-beınesi» bolyp sanalady. Pasıenttiń klınıkaǵa túsken sátinen bastap, kezdesetin eń mańyzdy ári alǵashqy bólimshe.
24.kz málimeti boıynsha, kardıologıa jáne ishki aýrýlar ınstıtýty dárigerlik kómekti jaqsartýǵa únemi kóńil bólip keledi. Mysaly, 2021 jyly JCI - densaýlyq saqtaý salasyndaǵy bedeldi halyqaralyq sertıfıkatqa ıe boldy. Bul medısınalyq qyzmet kórsetýdiń «altyn standarty» bolyp sanalady. Sapany ári qaraı jaqsartý úshin endi mine myń sharshy metrden asatam qabyldaý bólimine kúrdeli jóndeý jasap otyr.
- Naýqastarǵa jaqsy kútetin qolaıly jáne jaıly oryndar men elektrondyq kezek tehnologıalaryn engizip jatyrmyz. Sonymen qatar, trıaj júıesi de engizilip, pasıentter sanattarǵa bólinetin bolady. Onyń ishinde jańaǵy jasyl, sary jáne kók zonalarǵa bólinedi, - deıdi S.Asfendıarov atyndaǵy QazUMÝ rektory Marat Shoranov.
Munda elimizdiń barlyq óńirinen pasıentter keledi. Sondyqtan elektrondyq kezek júıesi qajet nárse. Bólimdegi tazalyq pen jaılylyq medısınalyq uıym týraly alǵashqy áser qaldyrady. Tyń bastamalarǵa ınstıtýttyń ujymy da rıza.
- Pasıentterge birinshi kezeńnen, kirgennen-aq em alýǵa múmkinshilik bolady. Komfortty jaǵdaıda osynda kelgende kórip, bizdiń dárigerler qýanyshpen qarsy alyp jatqanda, árıne, ol emge úlken sebep bolady dep oılaımyn, - deıdi "Kardıologıa jáne ishki aýrýlar" ǴZI bólim meńgerýshisi Nurlan Ábdiqalıev.
Instıtýt - Qazaqstandaǵy kardıologıalyq, kardıohırýrgıalyq jáne terapıalyq qyzmetterdiń jetekshi ortalyǵy. Dárigerler ǵylymı zertteýler, bilim berý men klınıkalyq praktıkanyń birlesýi arqyly árbir pasıentke joǵary deńgeıli medısınalyq kómek kórsetýge umtylady.