Bıyl tek 9 aýylǵa ǵana kógildir otyn tartylady.
Almaty oblysynda 150-ge jýyq aýylda kógildir otyn joq, dep habarlaıdy Almaty-akshamy.kz
Sonymen qatar aýyz sý tartý jobalaryna da basa mán beriledi. Aýyz sýmen qamtamasyz etýge 27 mlrd teńgeden astam qarjy qarastyrylǵan, dep habarlaıdy Azattyq Ruhy.
Óńir basshysy Marat Sultanǵazıev basty mindeti - sýmen qamtamasyz etý ekenin aıtty.
«Qazir halyqty aýyz sýmen qamtýdaǵy kórsetkish 92,7%-dy qurap otyr. Bıyl 62 jobany iske asyrýǵa 27,8 mlrd. teńge qarastyrylǵan. Jyl sońyna qaraı sýmen qamtamasyz etý deńgeıi 93,5% jetedi», - dedi Marat Sultanǵazıev.
Atalǵan saladan basqa, oblys basshysy gazdandyrý men joldy jasaý sekildi ınfraqurylymdyq salalardy damytý ózekti másele ekenin aıtty.
«Búgingi tańda gazdandyrýǵa jatatyn 294 eldi mekenniń 147-si gazdandyryldy. Kógildir otynǵa oblystyń 1 mln 114 myń turǵyny qosylǵan. Bıyl taǵy 9 eldi mekendi qosqanda kórsetkish 69,4%-ǵa jetedi», - dedi ákim.
Aımaq basshysynyń sózinshe, jyldan-jylǵa joldardyń sapasy jaqsaryp keledi. 2022 jyly barlyǵy 731 shaqyrym jol jóndeldi. Bıyl jol ınfraqurylymyn jaqsartýǵa 48,5 mlrd. teńge bólindi. Jyl sońyna qaraı jaqsy jáne qanaǵattanarlyq jaǵdaıdaǵy jol deńgeıi 91%-ǵa jetedi dep josparlanyp otyr.