Álem pandemıa jaǵdaıynda ómir súrgeli birshama ýaqyt ótti. Naqtyraq aıtqanda, 2 jylǵa jýyqtap kele jatyr. Bul jaǵdaı jahan jurtyn basqasha ómir súrýge úıretti. Servıstik qyzmetter jaǵy artty. Iaǵnı jetkizýshi bolyp jumys isteıtin jastar kóbeıdi. Osyǵan oraı saýalnama júrgizgen edik.
Shyńǵys QAIYRTAIULY, Glovo jetkizýshisi:
– Karantın – bizderdi múlde basqa arnaǵa burdy. Onyń aldynda kúzetshi bolyp istep júrdim. Arasynda ár jerde jumys jasadym. Bir kúni tanysymdy jolyqtyryp qaldym. Áńgimelese kele, qal-jaıymdy aıttym. Ol bolsa meni Glovo-ǵa jumys isteýge shaqyrdy. Osylaısha jetkizý qyzmetterinde júrgenime 1 jyldan asty. Tabysy jaqsy. Qazir kólik satyp aldym. Alǵashynda jaıaý qatynadym. Odan kóp sharshaısyń. Búginderi tirligim ońdaldy. Meniń túsingenim tynbaı tirlik jasaı berý kerek eken. Sonda is ońady.
Abzal NURADDINOV, «Iandeks» jetkizýshisi:
– Osy jumyspen aınalysyp júrgenime rızamyn. Tańǵy saǵat 10:00-den bastap slot ashylady. Sodan bastap tún ortasyna deıin júremin. Oıda bir-aq nárse - ýaqyt alyp, mol tapsyrys qabyldaý. Qansha kóp tapsyrys alasyz, sonsha tabasyz. Eń bastysy, erinbeý kerek. Dál qazirgi ýaqytta alǵan tapsyrystarymdy mopedpen jetkizemin. Neshe túrli oqıǵalar men tutynýshylardy kóresiz. Negizi, ońaı is joq. Men sondyqtan sabyr saqtap, kúndelikti isime tyńǵylyqty bolýǵa tyrysamyn.