Jedel tergeý is-sharalary barysynda kóleńkeli aınalymnan stavkalardy qabyldaý, utystardy esepteý jáne berý fýnksıalary jáne onlaın-kazıno uıymdastyrýǵa múmkindik beretin qosymshalary bar 104 oıyn kompúterleriniń jıyntyǵy tárkilenip alyndy.
Qarjylyq monıtorıń agenttiginiń Almaty qalasy boıynsha aýmaqtyq departamenti kompúterlik klýbtyń qyzmeti túrindegi zańsyz oıyn bıznesin uıymdastyrýshylarǵa qatysty sotqa deıingi tergep-tekserýdi aıaqtady, dep habarlaıdy Almaty-akshamy.kz atalmysh agenttiktiń baspasóz qyzmetine silteme jasap.
Zańsyz oıyn bıznesin uıymdastyrýshylar QR QK 307-babynyń 3-bóliginiń 2-tarmaǵymen (asa iri mólsherde kiris alýmen zańsyz oıyn bıznesin uıymdastyrý) qarastyrylǵan qylmysty jasaǵany úshin kináli dep tanylyp, 4,6 jylǵa bas bostandyǵynan aıyryldy.
Budan basqa, 5,5 mln.teńgeden astam mólsherde zańsyz kiriske ıe bolǵan zańsyz oıyn bıznesi úshin úı-jaıdy jalǵa bergen jalǵa berýshige qatysty úkim shyǵaryldy.
Sot oǵan 1 jyl 6 aı merzimge bas bostandyǵyn shekteý jazasyn taǵaıyndady.
QR QMA Qylmystyq kodekske sáıkes, oıyn bıznesin uıymdastyrǵany úshin, sondaı-aq zańsyz qumar oıyndarǵa jalǵa úı-jaı usynǵany úshin qylmystyq jaýapkershilik qarastyrylǵanyn eskertedi.