«PEEWEE QUEBEC 2023» hokeıshiler olımpıadasynda jastardyń mereıi ústem boldy.
Muhıttyń arǵy jaǵynan jaǵymdy jańalyq. Bul joly Kanadada hokeıden jasóspirimder arasyndaǵy ótken jarysta jerlesterimiz kók týdy jelbiretti, - dep habarlaıdy Almaty-akshamy.kz.
Muz aıdyna tas túıin bolyp shyqqan jastar qarsylastaryna múmkindik bermedi. Aıta ketý kerek, Kvebek halyqaralyq Quebec International Pee-Wee (Pı-Vı) hokeı týrnıri - álemdegi eń úlken qosalqy hokeı týrnıri bolyp esepteledi. Bul sporttyq sharaǵa álemniń túkpir-túkpirinen 11-12 jas aralyǵyndaǵy balalar qatysady. Jyl saıyn uıymdastyrylatyn bul sharanyń 63 jyldyq tarıhy bar.
Hokeıdiń atasy dep tanylǵan Kanadaǵa álemniń 37 elinen saıypqyran komandalar kelip, baqtaryn synady. Sharaǵa alǵash ret qatysqan bizdiń eldiń komandasy sen tur men ataıyn degen dúldúl komandalardyń mysyn qaıyryp, jeńis tuǵyrynan kórindi. Fınalda Kanadanyń Haute-Beauce Lynx komandasymen muz aıdynyna shyǵyp, qarsylastarynyń qaqpasyna 4 ret shaıba saldy. Nátıjesinde 4:2 esebimen «Qazaqstan» komandasy jeńiske jetip, ánuranymyzdy oryndatty. Jeńiske jetken jastarymyzdyń mereıi árdaıym bıikte bolǵaı!
