Almatyda Medeý aýdany ákimdigi men «Almaty Sý» MKK ókilderi «Kamenskoe plato» shaǵyn aýdanynyń turǵyndarymen kezdesti.
Onyń barysynda sýyq sýmen jabdyqtaý máselesin sheshý joldary túsindirildi, dep habarlaıdy Almaty-akshamy.kz
Eske salsaq, «Kamenskoe plato» shaǵyn aýdanynda sý tapshylyǵy sońǵy 5 jylda baıqaldy. Osy eldi mekenniń turǵyndaryn sýmen qamtamasyz etý jer asty sýlarynyń kózinen júzege asyrylady – bul mundaǵy úsh skvajına. Mamandar sý qysymynyń tómendeýiniń negizgi sebebin osy aımaqtaǵy halyqtyń ósýimen baılanystyrady. Skvajınalardaǵy sý deńgeıi 2,5 ese tómendedi – jobalyq 150 m3/saǵ-tan 60 m3/saǵ-qa deıin jáne sý deńgeıiniń tómendeýi jalǵasýda.
Bul máseleni sheshý úshin 2023 jyly Almaty qalasynyń ákimi Erbolat Dosaevtyń tapsyrmasy boıynsha TJ jelisi boıynsha eki jańa sý kózderin (4 skvajına) jaılastyrý jáne iske qosý, sondaı-aq halyqqa sý berýdi ulǵaıtý úshin modýldik stansıalary bar jańa rezervýarlar men magıstraldyq qubyrlar salý jónindegi jobany ázirleý bastaldy. Qurylys-montaj jumystary mamyr aıynda bastalyp, aǵymdaǵy jyldyń jeltoqsan aıynda aıaqtalady dep josparlanýda. Jobany iske asyrý «Kamenskoe plato», «Kólsaı», «Iýbıleınyı» jáne «Muztaý» shaǵyn aýdandaryn turaqty sýmen qamtamasyz etýge múmkindik beredi.
Jumystar aıaqtalǵan soń jobanyń kelesi kezeń «Kamenskoe plato» shaǵyn aýdanyn qoldanystaǵy sýmen jabdyqtaý jelilerimen qosý bolady. Ol úshin sý qubyry men kárizdiń taratý jelilerin salý boıynsha joba ázirlendi, ol júrgizilgen qurylys-montajdaý jumystaryn eskere otyryp túzetiletin bolady. Jobany iske asyrý 2024 jylǵa josparlanǵan.
Qazirgi ýaqytta turǵyndarǵa sý berý problemalaryna baılanysty kúndelikti qosymsha tasymaldaý uıymdastyryldy. Bul jaǵdaı qala ákimdiginiń baqylaýynda.