Apattan bir adam kóz jumǵan.
Tarazda meıram kúnderi jantúrshigerlik jol apaty boldy. Kámelet jasyna tolmaǵan turǵyn mingen Toyota kóligi negizgi jolda kele jatqan LADA avtokóligin soqqan. Apattan bir adam kóz jumǵan, dep habarlaıdy Almaty-akshamy.kz Almaty.tv-ge silteme jasap.
Kólik qaqtyǵysynyń qatty bolǵany sonshalyqty, soqqy alǵan avtomobıl aryqtan ary ytqyp, birneshe ret aýdarylyp, ǵımarat qabyrǵasyna baryp, biraq toqtaǵan.
Polısıa departamenti apat saldarynan birneshe adamnyń jaraqat alǵanyn aıtty. Qazir qajetti zertteýler taǵaıyndalyp, kináli tarap anyqtalyp jatyr.
«Bıyl 23 naýryzda 07:00 shamasynda Toyota jáne LADA Largus kóligi soqtyǵysty. Jol-kólik apaty saldarynan oqıǵa ornynda 1 adam qaza tapty. Atalǵan derekke baılanysty QR Qylmystyq kodeksiniń 345-baby, 3-bóligi boıynsha sotqa deıingi tergeý amaldary bastaldy», – dedi Jambyl oblysy polısıa departamentiniń baspasóz qyzmetiniń jetekshisi Gúlsara Muhtarqulova.
Al qalalyq kópsalaly aýrýhanaǵa birneshe dene jaraqatyn alǵan, atap aıtqanda, keýde qýysy, belinen jaraqat alǵan 2 azamat barǵan.
«Olarǵa der kezinde qajetti medısınalyq kómek kórsettildi. Kezekshi dáriger tekserip, turǵylyqty jeri boıynsha emhanaǵa ambýlatorıalyq emdelýge jiberildi», - dedi qalalyq №1 kópsalaly aýrýhanasynyń dárigeri Dılshot Salıev.