Kentaý qalasynyń oqýshysy "qara jorǵa" bıleıtin robotty jasap shyqty.
"Qara jorǵa" bıleıtin robotty Túrkistan oblysy, Kentaý qalasyndaǵy besinshi synyp oqýshysy jasaǵan, dep habarlaıdy Almaty-akshamy.kz «Habar 24» silteme jasap.
Arýjan Smaıl esimdi qyz bala Oqýshylar saraıyndaǵy robototehnıka úıirmesine qatysady. Ol bıshi qultemirin kópshilikke Naýryz merekesinde kórsetti. Arýjan jetekshisimen birge dástúrdi nasıhattaıtyn erekshe joba jasaǵysy kelip, oıyn osylaı júzege asyrypty. Tálimgeri Aqnıet Elemesovanyń aıtýynsha, aldaǵy ýaqytta «Arqan tartý», «Kókpar», «Teńge ilý» sekildi qazaqtyń ulttyq oıyndaryn robotehnıkamen ushtastyrý josparda bar.