«Shette júrseń, elińdi saǵynasyń. Týǵan jerdiń qadirin uǵasyń», - deıdi Kalıfornıada júrgen qazaqtar.
Eresekter ǵana emes, jastar da atajurtty ańsaıdy. Týǵan jerge degen saǵynyshtan balalardyń aldy az ǵana ýaqytta dombyra tartýdy úırengen, dep habarlaıdy almaty-akshamy.kz 24.kz-ke silteme jasap.
Los-Andjeleste bir jyldan beri dombyra úıirmesi jumys istep tur. Domybara tartý óz aldyna, ony top bolyp bir yrǵaqpen shertýdiń ózi úlken óner. Týǵan jerde ulttyq aspapty ustamaǵan balalar bir jyl ishinde dombyrany sheber meńgerip aldy. Elge degen saǵynysh ulttyq salt-dástúrge qyzyǵýshylyqty kúsheıtkendeı.
Merýert Baýyrjan, dombyra úıirenýshi: - Elde júrgende qazaq dástúrine onsha qyzyqpappyz. Osynda kelip túsindik. Ózińniń mádenıetińdi, dástúrińdi, dastarhanyńdy saǵynady ekensiń. Sol úshin, mine, til oqyp, dombyra úırenip júrmiz.
Beknur Ábdisaqyp, dombyra úıirenýshi: - Dombyrany osynda kelip, qolyma ustadym. Qazir ájeptáýir úırenip qaldym. 1-2 kúıdi bilemin.
Úıirme Kalıfornıa qazaqtary qaýymdastyǵynyń janynan bir jyl buryn ashylǵan. Muǵalim Áıgerim Nurjaýbekova da buryn sońdy dombyradan sabaq berip kórmepti. Alaıda mýzykalyq bilimi kómek bolyp, qazir 20 shákirt tárbıelep otyr. Nátıje de jaman emes. Balalardyń aldy 5 kúıdi úırenip alǵan.
Áıgerim Nurjaýbekova, erikti úıretýshi: - Halyq kúılerinen bastadyq, halyq ánderin biledi. Keıde sóılesem, ózderiń ne úırengileriń keledi dep. Olar qazirgi trendtegi kúılerdi suraıdy. Qatarlastarynyń dombyra tartqanyna qyzyǵyp, úıirmege suranyp kelip jatqan bala kóp, - deıdi Áıgerim. Sondyqtan olardy jas erekshelikterine qaraı 2 topqa bólgen.
Bir jylda birneshe halyq kúıin úırengen jasóspirimder kóp uzamaı kásibı dombyrashy deńgeıine jeterine senimdi.
Istochnık: https://24.kz/kz/zha-aly-tar/lemde/item/628368-kaliforniyada-dombyra-jirmesi-bar
Lúboe ıspolzovanıe materıalov dopýskaetsá tolko prı nalıchıı gıperssylkı na www.24.kz