2025 jyldyń alǵashqy iri at jarysy Dýbaıda ótti, dep habarlaıdy Aqshamnews.kz
Qazaqstandyq Tilek Muhanbetqalıevtiń tanymal sáıgúligi Kabırhan 12 tulpardyń arasynda 7-orynǵa turaqtady. Ókinishke oraı, qarjylaı syıaqy tek aldyńǵy 6 orynǵa taban tiregen tulparlarǵa ǵana beriledi,
Dýbaıdaǵy bul jarys álemdegi eń bedeldi at báıgeleriniń biri sanalady. Onda 30 mıllıon dollar kóleminde jalpy syıaqy qory bólingen. Qazaqstannyń atynan birneshe tulpar qatysqanymen, olardyń eshqaısysy júldeli orynǵa ilige almady. Degenmen, qazaq sáıgúlikteriniń osyndaı halyqaralyq deńgeıdegi dodalarǵa qatysýy ulttyq at sporty úshin úlken jetistik retinde baǵalanýda.
Atbegi Qanat Medınov bul nátıjeniń mańyzdylyǵyn erekshe atap ótti:
"Emıratta ushqyr báıge jaqsy damyǵan. Bizdiń Almaty báıgesi de jaqsy kórsetip jatyr. Bıyl byltyrmen salystyrǵanda 15 jańa tulpar jarysqa qatysty. Qazaqstan atynan. Tilek aǵamyzǵa raqmet. Osylaı damytyp, jol ashqan sol kisi".
Qazaq dalasynda tulparlar ejelden ulttyń maqtanyshy men serigi bolǵany belgili. Qazirgi tańda Qazaqstanda at sporty qarqyndy damyp keledi. Sońǵy jyldary otandyq atbegiler men báıgege qatysatyn tulparlardyń sany artyp, halyqaralyq jarystarǵa qatysý kórsetkishi joǵarylap keledi. Dýbaı báıgesine qatysqan 15 jańa sáıgúlik osynyń aıqyn dáleli.
Tilek Muhanbetqalıevtiń Kabırhan esimdi sáıgúligi sońǵy jyldary bedeldi jarystarda Qazaqstannyń namysyn qorǵap, tanylyp keledi. Bul joly júldeli orynǵa ilikpegenimen, mundaı báıgelerge turaqty qatysý arqyly qazaq sáıgúlikteriniń áleýeti álemdik deńgeıde moıyndalýda.
Dýbaı báıgesi qazaq sáıgúlikteri úshin úlken tájirıbe boldy. Jarysta júlde almasa da, Tilek Muhanbetqalıev pen onyń komandasynyń eńbegi ulttyq at sportynyń damýyna qosylǵan mańyzdy úles. Mundaı qadamdar bolashaqta qazaq tulparlarynyń halyqaralyq dodalarda jeńis tuǵyrynan kórinýine negiz bolary anyq.