Óner besiginde terbelip ósken, aqyndyq daryny jas kezinen-aq tanyla bastaǵan Jambyl Jabaev aqyn, jaýynger jyrshy boldy. Ol - shyn maǵynasyndaǵy bıik parasatty ónerpaz, azamattyq saıası poezıany qalyptastyrýshy tulǵa. Jambyldyń ulylyǵy onyń tek aqyndyq sheberligimen ǵana emes, sonymen birge halyq poezıasynyń butaq jaıǵan jańa bir báıteregi bolýymen, basqasha aıtqanda, halyq aqyndarynyń jańa uly kóshin bastaǵan daralyǵymen de ólshenedi. Aqynnyń shyǵarmashylyǵy jyraýlyq poezıanyń sharyqtaý shegi men aqyndyqtyń bastalý aıasy dep kórsetiledi. Ol jyraýlardyń baıtaq epıkalyq dástúrin, qazaq sóz ónerindegi ǵajaıyp ımprovızasıalyq úrdisti bútindeı jańa arnaǵa buryp, oǵan jańa mazmun darytty. Onyń sózderi uranǵa aınalyp, ózi halyq poezıasynyń atasy ataldy.
«Jambyl jyrlary teńiz túbinde shashylyp jatqan marjan sekildi. Ony jınap alyp halqynyń qolyna berý – bizdiń árqaısymyzdyń azamattyq boryshymyz». Sáken Seıfýllın
Elbasynyń «Bolashaqqa baǵdar: rýhanı jańǵyrý» memlekettik baǵdarlamasy aıasynda «Jyr jazamyn júregimnen» atty jáne qazaq halyq poezıasynyń áıgili tulǵasy, óleń sózdiń dúldili, jyraý, jyrshy Jambyl Jabaevtyń týǵanyna 175 jyl mereıtoıyna oraı lıseıishilik jyr músháırasy bolyp ótti.
Bul múshaıranyń erejesi Elbasynyń «Bolashaqqa baǵdar: rýhanı jańǵyrý» maqalasynyń negizgi qaǵıdasyn, ıgilikti ıdeıasyn nasıhattaý, Elbasy maqalasynyń negizinde táýelsiz qazaq eliniń tarıhyn, rýhanı jańǵyrý, «Máńgilik El» ıdeıasyn jyrlaǵan týyndylar men sózdiń dúldili, jyraý, jyrshysy Jambyl Jabaevqa arnalǵan óleńder jáne erkin taqyryptaǵy poezıalyq shyǵarmalar usynylady.
Múshaıranyń maqsaty «Bolashaqqa baǵdar: rýhanı jańǵyrý» maqalasynyń máni men búgingi tańdaǵy tarıhı mańyzyn ashý, jastar boıynda ulttyq mádenı qundylyqtarǵa qurmet sezimin, patrıottyq rýhty qalyptastyrý jáne sózdiń dúldili, jyraý, jyrshy Jambyl Jabaevtyń shyǵarmalaryn nasıhattaý ári jas talanttar shyǵarmashylyǵyna jol ashý bolatyn.
Jambyl - jyrdyń tolassyz bulaǵy, óshpes ónegesi, tozbaıtyn asyly. Ol jas urpaqtyń syrlasyndaı, qımasyndaı máńgi birge jasaı beredi dep oqýshylarymyzdyń úzdik úsh týyndysyn usynyp otyrmyz.
ELİME ARNAÝ
Kórmesek te ómirdiń kóp synaǵyn,
Aıtaıynshy halyqtyń men suraýyn.
Búginginiń batyryn men jyrlaıyn
Boıynda batyrlyǵy myqty basym.
Búginginiń batyry – dárigerler,
Naýqas úshin tikeden tik turatyn.
Búginginiń batyry – muǵalimder
Júrekteri shákirtim dep soǵatyn.
Búginginiń batyry – jaqsy adamdar
Jaqsylyq jasaý úshin umtylatyn.
Aǵaıyn, batyrlardy baǵalaıyq,
Osy adamdar aqtaıtyn el muratyn.
Telibaı Eskendir, 8 «B» synyp oqýshysy
MÁŃGİİLK EL
Shabyttaı Shalquıryǵym babyna kel,
Kómeıden sútteı óleń aǵyla ber.
Dalanyń jeti qyryn jyrǵa qossam,
Jaratqan, Máńgilik el baǵyma ber.
Tonykók pen Kúlteginge uıytqandaı,
Qazaǵym, ata saltqa baǵyna ber.
Tal egip, at baptap, el qorǵaǵan
Ejelden qydyry daryǵan el.
Altyn adam tabylǵan keń dalańnan,
Qazaǵym – ozyq boıly, damyǵan el.
Tuıaǵyńnan hal ketpeı, tekti elim,
Bar álemge tektilikpen tanyla ber!
Telibaı Eskendir, 8 «B» synyp oqýshysy
SAŃLAQTAR
Elimniń atyn shyǵarǵan,
Qolyna kók tústi tý alǵan.
Elim, jerim, halqym dep,
Aldyńǵy qatarǵa tura alǵan.
Kók týdy kók aspanda jelbiretken,
Ánuranmen júrekti eljiretken.
Qazaqtyń jigitteri jasaı bersin,
Gennadıı, Baqtıardaı, Ádilbekter!
El senimin aqtaǵan erlersizder,
Azat elge altyn alyp kelgensizder.
Beıbit kúnde el senimin aqtaı bilgen,
Búginginiń batyrlary sizdersizder.
Erjanuly Táńirbergen, 7 "Á" synyp oqýshysy