Almatyda ıntervensıalyq hırýrgtar ınfarkt aldyndaǵy aýyr jaǵdaı - sol jaq koronarlyq arterıa dińiniń 99% stenozy bar er adamnyń ómirin saqtap qaldy, dep habarlaıdy almaty-akshamy.kz
60 jastaǵy er adam keýdesiniń aýyrsynýyna, jalpy álsizdigine, jıi sharshaý belgilerine shaǵymdanǵan, aıtýynsha, biraz júrgen soń júregi qysyp qalǵan. Pasıenttiń anamnezinen: 2017 jyly stent qoıylǵan.
Almatydaǵy № 7 qalalyq klınıkalyq aýrýhananyń tájirıbeli, joǵary bilikti ıntervensıalyq hırýrgteri jedel tekserý barysynda naýqastyń jaǵdaıynyń aýyrlyǵyn baıqady.
Júrek tamyrlaryn dıagnostıkalaý maqsatynda qan tamyrlarynyń jaǵdaıy boıynsha ota jasaý týraly sheshim qabyldaý úshin aldymen koronarografıa júrgizildi.
Naýqastyń jaǵdaıy óte aýyr edi, ólim qaýpi joǵary boldy, óıtkeni koronarografıa sol jaq koronarlyq arterıanyń baǵanaly zaqymdanýyn anyqtady (90%).
«Naýqastyń dińdik arterıasy zaqymdanǵan. Eger arterıa 99,9% jabylyp qalsa, bul aýyr zaqymdaný - ólimge ákeledi. Asqyný qaýpi de óte joǵary. Mundaı jaǵdaıda ádette ashyq ota jasaý kerek. Zertteý nátıjesi boıynsha da stent qoıýǵa bolady, eki jaǵdaıda da asqyný qaýpi birdeı, - deıdi Almaty qalasynyń №7 qalalyq aýrýhanasy ıntervensıalyq hırýrgıa bólimshesiniń meńgerýshisi, ota jasaǵan hırýrg Sáken Anartaev.
2017 jyly qoıylǵan eski stentte restenoz jáne tromboz belgilerinsiz ótimdi edi.
Dárigerlerdiń aıtýynsha, naýqasqa otanyń yqtımal qaýipteri týraly túsinikteme berildi, óıtkeni qan tamyrlarynyń jaǵdaıy turaqty emes. Sol jaq koronarlyq arterıanyń bıfýrkasıa (tarmaqtalýy, bólinýi) aımaǵynda kúrdeli stenoz boldy, bul qan tamyrlarynyń qabyrǵasyndaǵy túıinshekter. Sonymen qatar, naýqasta túıinshikterdiń jarylýy baıqalady, sonyń saldarynan júrektiń ıshemıalyq aýrýynyń klınıkasy ulǵaıdy.
Sonymen birge ınfarkt pen júrek qyzmetiniń toqtap qalý qaýpi boldy. Naýqas shuǵyl otaǵa daıyn bolǵandyqtan, az ınvazıvti ádispen operasıa jasaý týraly sheshim qabyldandy.
Dárigerlerdiń aldynda kúrdeli mindet turdy, óte uqypty jumys isteý kerek edi. Óıtkeni, sol jaq koronarlyq arterıa dińiniń dısseksıasy jáne turaqsyz túıinshikter boldy. Ota kezinde tarylǵan aımaq arqyly mıkrokateter men koronarlyq ótkizgish qoldanyldy. Bul ádis qan aǵymyn toqtatpaý úshin qoldanylady. Bir ótkizgish aldyńǵy qarynshaaralyq arterıaǵa, ekinshi ótkizgish – aınalmaly arterıaǵa ótkizildi jáne baıaý balondaý - keńeıtý júrgiziledi.
«Stent – bul metal, bógde zat bolǵandyqtan, organızm ony qabyldamaýǵa tyrysady, sondyqtan stent arnaıy zatpen - qabyldamaýdy tejeıtin dárileý quralymen jabylady. Prosestiń birqalypty ótýi úshin qan suıyq bolýy kerek. Sondyqtan barlyq stenttelgen pasıentke antıagregantty terapıa qabyldaý kerek. Sáken Mýrasulynyń basshylyǵymen biz T-stentteý tehnıkasyn paıdalana otyryp, bıfrýksıalyq stentteýdi, kıssıngtik balondaýdy sátti oryndadyq», - dedi ıntervensıalyq hırýrg Danıar Qaralıev.
№7 QKA dárigerleri shuǵyl hırýrgıalyq aralasý – koronarlyq arterıalardy stentteý arqyly naýqasty aýyr jaǵdaıdan shyǵaryp, onyń ómirin saqtap qaldy.
«Naýqas kómekke ýaqytynda júgindi, bul onyń ómirin saqtap qaldy. Aýyrsyný belgilerin elemeı júre berýge bolmaıdy, sizdi de qutqarýǵa bolady. Jylyna bir ret júrekti tekserýden ótkizińiz: EKG, EhoKG, kardıologpen keńesińiz. Mundaı jaǵdaılarda árbir sekýnd qymbat! Ýaqytynda qaralyńyz» , - dedi dárigerler.