Halyqtyń densaýlyǵyn jaqsartý isindegi jetekshi ról eldiń barlyq halqyn medısınalyq qyzmettermen qamtıtyn medısınalyq-sanıtarıalyq alǵashqy kómek qyzmetinde qalady jáne basty nazar aýyl turǵyndary úshin medısınalyq kómektiń qoljetimdiligine qaraı kúsheıtiledi.
Bastapqy býyn uıymdarynyń jelisin 3,7%-ǵa keńeıtýdiń esebinen elimizdegi ambýlatorıalyq-emhanalyq uıymdardyń jalpy sany 3 324-ti quraıdy, MSAK qyzmetterimen qamtý ósýde, dep habarlaıdy Almaty-akshamy.kz QR Densaýlyq saqtaý mınıstrligine silteme jasap.
2023 jyly ótken jylmen salystyrǵanda MSAK uıymdaryna barý sany 8,1%-ǵa, pasıentterdiń júginýi 118,8 mln-nan 128,4 mln-ǵa deıin ulǵaıdy, bul bastapqy deńgeıde qyzmetterdiń qoljetimdiligin jaqsartýdyń turaqty úrdisin kórsetedi.
Ótken jyly ambýlatorıalyq deńgeıde pasıentter 324 mln konsýltasıalyq-dıagnostıkalyq qyzmet aldy nemese bul 1 turǵynǵa shaqqanda 16-dan astam qyzmet. Bul rette 1 mıllıonnan astam adam qymbat dıagnostıkalyq qyzmettermen (KT/MRT) qamtyldy.
Bastapqy deńgeıde skrınıngtik tekserýlermen 2,8 mln. eresek halyq qamtamasyz etildi, 388 myń adamda aýrý anyqtaldy, 220 myń adam dıspanserlik esepke alyndy.
Sonymen qatar, 2023 jyly aýyl turǵyndary úshin keńeıtilgen skrınıng engizilgenin atap ótken jón, onyń sheńberinde búırek, asqazan-ishek joldary, tynys alý aǵzalary, qýyqasty bezi obyry aýrýlaryn erte anyqtaý júzege asyrylady.
Profılaktıkalyq tekserý nátıjesinde 2,6 mln. aýyl turǵyny, 62 myń naýqas anyqtaldy.
Jyljymaly medısınalyq keshenderdiń qyzmetterin 1,7 mln. aýyl turǵyndary paıdalandy, olar 1,4 mln.dárigerlik konsýltasıalar aldy.
Qashyqtyqtan kórsetiletin medısınalyq qyzmetterdiń sany 3 ese, 2022 jylǵy 582 myńnan 2023 jyly 1,6 mln-ǵa deıin ulǵaıdy, bul rette telemedısınalyq qyzmetter tizbesiniń ózi odan ári 13-ten 69-ǵa deıin ulǵaıtylatyn bolady.
MSAK úzdik praktıkalar ortalyqtaryn ashý boıynsha jumysty jalǵastyrý josparlanýda, onyń negizinde ozyq tehnologıalar engizilýde, jergilikti qoǵamdastyqtardyń densaýlyq saqtaý qurylymdarymen áriptestigi damýda, uzaq ómir súrý mektepteri, erler densaýlyǵy kabınetteri, sozylmaly aýrýlardyń profılaktıkasy mektepteri ashylýda. Búgingi tańda 20 úzdik praktıka ortalyǵy ashyldy, kelesi jyly osyndaı 27 ÚPO ashý josparlanýda.
Óńirlerde «Aýyldyq densaýlyq saqtaýdy jańǵyrtý» ulttyq jobasynyń sheńberinde aýyldaǵy 570 MSAK obektisiniń qurylysy jalǵasýda. Onyń ishinde ótken jyly 80 medısınalyq obekti jóndeldi, 85 MSAK obektisi salyndy, 99 obekti belsendi salynýda. Sonymen qatar, ulttyq jobanyń sheńberinde 32 KAOA jańǵyrtý jáne tehnıkalyq jaraqtandyrý júrip jatyr, onyń quramynda ınsýlt, kardıologıalyq ortalyqtar, ońaltý, hırýrgıa, RQTB jumys isteıtin bolady, olardy kadrlarmen qamtamasyz etý úshin elimizdiń medısınalyq joǵary oqý oryndarynda 2 843 beıindi dáriger daıarlanady.