Jyl saıyn aralar jappaı qyrylady.
Bul jaıynda aqshamnews.kz caıty islam.kz portalyna silteme jasaı otyryp habarlaıdy.
2000 jyly Reseıde aralar otbasy 3,4 mıllıon bolsa, al 2021 jyly sany 2,8 mıllıonǵa qysqardy. Týra osyndaı jaǵdaı Túrkıada, Italıada, Qytaıda, Amerıka Qurama shtattarynda jáne Ulybrıtanıada baıqalǵan. AQSH Aýyl sharýashylyǵy mınıstrliginiń deregi boıynsha sońǵy 10 jylda bir ara úıiriniń ortasha bal mólsheri 225 gramǵa qysqardy. Bir ara bir keli bal jınaýy úshin 3-4 mln gúlge qonýy tıis eken.
Al omartashylar gúl men onyń uıasy arasyndaǵy ortasha qashyqtyq 1,5 shaqyrymnan aspaýy kerek. Ara bir keli bal jınaýy úshin 400 myń shaqyrym qashyqtyqqa deıin sharlaýy qajet eken. Bir ara otbasy jylyna 30 kelige deıin bal jınaı alady. Al aralar sanynyń jyl ótken saıyn kemýine aýyl sharýashylyǵynda zıankesterge qarsy qoldanylatyn tyńaıtqyshtar men hımıkattar, sonyń ishinde gerbısıdter sebep bolyp otyr.
Eń basty faktor – klımat daǵdarysy. Kóktem erte shyǵyp, aıaq astynan soǵatyn úsikke urynyp, qyrylyp jatqandary qanshama. Jahandyq jylynýǵa baılanysty qarqyn alǵan topyraq qunarynyń joǵalýy (topyraq degredasıasy) da aralardyń qyrylýyna sebep bolǵan.