Shaharymyzdyń úzdikteri «Jyl tańdaýy №1», «Altyn adam – Jyl adamy» jáne «Qoǵam tańdaýy» aıdarlary boıynsha marapattaldy. Marapatqa qoǵamnyń ártúrli salasyndaǵy qaımaqtary tańdaldy. «Alatau aqparat» medıaholdıngine qarasty «Vechernıı Almaty» gazeti, «Qoǵam tańdaýy» nomınasıasymen marapattaldy.
Saltanatty is sharada «Jyl sportshysy», «Jyl dárigeri», « Ulttyq sport túrlerin damytýǵa úles qosqany úshin», «Jyl qutqarýshysy» jáne «Jyl ǵalymy» nomınasıasy boıynsha jyl úzdikteri marapattaldy. İs sharaǵa qatysýshylar qoǵamǵa sińirgen eńbekteri úshin baǵalandy.
Qoǵamda bolyp jatqan shynaıy aqparatpen bólisetin, saıası-ekonomıkalyq mańyzy bar «Vechernyı Almaty» gazetiniń orny erekshe. Osy oraıda qoǵamnyń kóńilinen shyǵyp, úzdik gazet «Qoǵam tańdaýy» nomınasıasymen marapattaldy. Osy oraıda Alatau aqparat medıaholdınginiń dırektory Erjan Qalymbaıuly óz oıymen bólisti.
Búgin óte erekshe kún. Elimizdiń ár salasyndaǵy úzdikteriniń baǵalanyp, eskerilýi ádilettilik dep sanaımyn. Bundaı marapattar bolashaq mamandar úshin óte mańyzdy. Úzdik bolýǵa umtylý jastarǵa erekshe serpin beredi. Óz salasynyń bilikti mamany bolýyǵa ıtermeleıtin bolady. Vechernıı Almaty gazetiniń joǵary marapatqa ıe bolýy biz úshin úlken mártebe,- dedi Erjan Qalymbaıuly.
Densaýlyq saqtaý salasyna óz úlesin qosqany úshin Asfendıarov atyndaǵy QazUMÝ dosenti, dáriger Erkinbek Ismaılov «Jyl dárigeri» nomınasıasy boıynsha marapattaldy.
Búgin men úshin kútpegen jaǵdaı oryn alyp otyr. Buryn sońdy «Altyn adam» nomınasıasyn jeńimpaz atanamyn dep oılamappyn. Bul meniń ǵana jetistigim emes. Menimen birge bolǵan, qoldaý kórsetken adamdardyń da jetistigi. Barlyq ustazdaryma, áriptesterime jáne barlyq janymdaǵy jandarǵa alǵysymdy bildirgim keledi,- dedi E.Ismaılov.