Tabıǵı apattan keıin baspana búlinse kompanıa shyǵyndy tolyq ótep beredi.
Zańgerler tabıǵı apattan keıin múlikke zaqym kelse sot arqyly qurylys kompanıasynan aqsha óndirip alýǵa bolatynyn aıtty, dep habarlaıdy almaty-akshamy.kz.
31 arnanyń Informbúro aqparattyq baǵdarlamasy.joldaǵan saýalǵa jaýap bergen zańgerdiń aıtýynsha, eger azamat arnaıy saraptama jasaý arqyly keltirilgen shyǵyn onyń ǵımaratyna sapasyz qurylystyń saldarynan bolǵanyn dáleldese, ol sotqa júginý arqyly óziniń shyǵynyn tolyq ótep alýǵa quqysy bar.
"Jalpy qalyptasqan zańǵa sáıkes, osyndaı zilzalalardan bolǵan zıandy memleket óz erkimen tóleýi tıis", – dedi zańger Aıypqan Muhamadıev.
Jer silkinisinen keıin jyljymaıtyn múlkin saqtandyrýǵa kóshken qazaqstandyqtar bar. Mamandar múlikti saqtandyrý qyzmeti Almatyda áldeqaıda joǵary suranysqa ıe ekenin atap ótti. Basqa óńirlerde adamdar úıin saqtandyrýǵa asyqpaıdy.
"Lısenzıasy bar tıisti táýelsiz sarapshynyń zıan mólsherin anyqtaǵan soń saqtandyrý kompanıasy 15 kún ishinde saqtandyrý tólemin júzege asyrýǵa mindetti. Ol jer silkinisi, tabıǵı apattar, órt jáne taǵy da basqa oqys oqıǵalardy qamtıdy. Saqtandyrý aqysy, ıaǵnı páterler men turǵyn úılerdiń ózindik qunynan 0,1 paıyzynan bastalady. Mysal keltiretin bolsaq, 25 mıllıon dep alatyn bolsaq, bir jylǵa saqtandyrý syıaqysy 25 myń teńgeni quraıtyn bolady", – dedi saqtandyrý kompanıasynyń qyzmetkeri Aqsultan Aımurza.
Seısmologıalyq baqylaýlar men zertteýler Ulttyq ǵylymı ortalyǵynyń dırektory Dáýlet Sársenbaev jer silkinisinen keıin zardap shekken turǵyn úıler men nysandardyń barlyǵy tekserilip jatqanyn habarlady.