Bul shara 20 jyldan astam ýaqyt boıy ótkizilip keledi
Almatyda jyl saıynǵy jeńimpazdardy marapattaý jáne «Jyl adamy» jobasynyń bas júldeleri – «Altyn adam» músinshelerin, «Qoǵamdyq moıyndaý» jáne «Jyldyń №1 tańdaýy» qurmetti medaldaryn tabystaý rásimi ótti, dep habarlaıdy Almaty-akshamy.kz
Elimizdegi eń kórnekti tulǵalar men úzdik uıymdardy dáripteıtin bul saltanatty shara 20 jyldan astam ýaqyt boıy ótkizilip keledi. Eńbegi, adaldyǵy, batyldyǵy men talanty olardy respýblıkanyń shynaıy murasyna aınaldyrǵan qazaqstandyqtar óz marapattaryn aldy.
«Vechernıı Almaty» gazeti qoǵam moıyndaǵan arnaıy syılyqqa ıe boldy. Qazylar alqasynyń pikirinshe, atalǵan marapattyń osy ujymǵa buıyrǵany zańdylyq. Óıtkeni «Vechorka» almatylyqtar úshin súıikti basylymnyń biri bolyp tabylady.
«Vechorka marapattarynyń qataryna bizdiń eńbegimizdi jurtshylyqtyń moıyndaýy jáne mańyzdy syılyqty qosý biz úshin úlken mártebe. Aıtpaqshy, «Vechernıı Almaty» – oqyrmandarymen kúndelikti qarym-qatynas negizinde pýblısısıkalyq materıaldar daıyndaıtyn sanaýly basylymdardyń biri. Biz kóptegen almatylyqtarmen turaqty qatynastamyz. Qazir sánge aınalǵandaı, «tıimdi keri baılanys» jasap kelemiz. Sondyqtan jýrnalısik eńbektiń qoǵam tarapynan moıyndalýy árqaısymyz úshin úlken marapat», - dedi bas redaktory gazetiniń Evgenıı Grýnberg.