Investorlarmen aldyn ala kelisimder jasalýda.
2026 jylǵa deıin búkil el kóleminde stýdenttik jataqhanalarda 30 myń oryn uıymdastyrý josparlanyp otyr, dep habarlaıdy Almaty-akshamy.kz
Bul týraly premer-mınıstrdiń orynbasary Altaı Kólginovtiń tóraǵalyǵymen ótken jıynda aıtyldy.
"Qaraǵandy jáne Mańǵystaý oblystarynda 900 oryndyq eki jataqhana paıdalanýǵa berildi. Respýblıkada jyl sońyna deıin 8,3 myń orynǵa eseptelgen taǵy 26 jataqhana paıdalanýǵa beriledi", - dep habarlady úkimettiń baspasóz qyzmeti.
Kezekti monıtorıń barysynda Astana, Almaty jáne Kókshetaý qalalarynda qarjynyń bolmaýynan jáne basqa da sebepterden qurylys merziminiń buzylý qaýpi bar 2,1 myń orynǵa shaqtalǵan 6 jataqhana anyqtaldy, sondaı-aq Pavlodar oblysynda jataqhanany rekonstrýksıalaý jumystary kesheýildegen.
Jıynda josparǵa 1600-den astam orynǵa arnalǵan 8 áleýetti nysandy engizý usynyldy. Olardy paıdalanýǵa berý osy jyldyń sońyna deıin Astana, Shymkent qalalary men Jambyl oblysynda júzege asyrylady. Búgingi tańda ınvestorlarmen aldyn ala kelisimder jasalýda, ákimdikter jol kartalaryna ózgerister engizýde.
"Stýdentterdi jataqhanamen qamtý boıynsha barlyq jospar qatań saqtalýy tıis. Bul rette salynyp jatqan jataqhanalar sanyn kóbeıtý bastamasy quptalady", — dedi premer-mınıstrdiń orynbasary.