Almaty zoobaǵyna Máskeý haıýanattar baǵynan Pýrga esimdi aq aıý jetkizilid. Ol 6 jasta, dep habarlaıdy Almaty-akshamy.kz.
Zoobaq baspasóz qyzmetiniń málimetinshe, erekshe janýardy Almatyǵa ákelmes buryn úlken daıyndyq jumystary júrgizildi. Arnaıy qorshaý jasalyp, baseın salyndy. EARAZA komısıasynyń kelisimi alyndy.
«Bizge kelgennen keıin aq aıý karantınde boldy. Bul talap zoobaqtarǵa ákelinetin, basqa jaqqa beriletin barlyq janýarlarǵa qatysty. Endi, karantın aıaqtalyp, bizdiń kelýshilerimiz zoobaǵymyzdyń jańa turǵyny – Pýrgany kóre alady. Onyń ornalasqan voleri keń, aýlasynda eki baseıni bar. Úıshiginiń ishinde aýany salqyndatyp turatyn arnaıy jeldetkish ornatylǵan jáne sýyq eden jasalǵan»,- dep habarlady zoobaqtyń baspasóz qyzmeti.
Ol sıyr, taýyq etimen, túrli balyqtarmen, alma, almurt, salat japyraǵy, balmen qorektenedi.
