4 aıda 12 qylmys tirkelgen
Bul týraly Astanada ótken adam saýdasyna qarsy is-qımyl máseleleri jónindegi forýmda aıtyldy, dep habarlaıdy Almaty-akshamy.kz Zakon.kz-ke silteme jasap.
Mınıstrlik ókilderiniń aıtýynsha, elimizde jyl saıyn adam saýdasyna qatysty 100-den asa qylmys tirkeledi. Al bıylǵy 4 aıda 12 qylmys tirkelgen. Onyń ishinde bas bostandyǵynan zańsyz aıyrylǵandardy jumyspen qanaý, jezókshelikke tartý maqsatynda prıtondardy uıymdastyrý jáne olardy ustaý sıaqty faktiler bar.
Sonymen qatar forýmda «Adam saýdasyna qarsy is-qımyl týraly» zań jobasy tanystyryldy. Qujat qazir parlamenttiń qaraýyna engizilgen. Jobany adam saýdasynyń qurbandaryna alǵashqy kómek retinde 30 aılyq eseptik kórsetkish mólsherinde ótemaqy tóleý qarastyrylǵan. Sonymen qatar olar ońaltý ortalyqtaryna jatqyzylady. Jınalǵandar qoǵamdy alańdatqan problemany ýshyqtyrmas úshin zańnamalyq qujat asa qajet dep esepteıdi.
"Zań jobasy óte mańyzdy. Adam quqyǵyn qorǵaýǵa jáne eksplýatasıadan bas tartýǵa memlekettiń bir óziniń shamasy jetpeıdi. Oǵan BAQ, memlkettik emes uıymdar, qarapaıym azamattar kórgennen keıin bárin shyǵaryp, aıtyp otyrý kerek. Muny jeke basym únemi aıtyp ketemin", - dedi QR Parlamenti Májilisiniń depýtaty Marat Báshimov Qazaqstan ulttyq telearnasyna.