2024 jyldyń úsh aıynda munaı ónimderin zańsyz áketýdiń 171 faktisiniń joly kesildi
QR Qarjy mınıstrliginiń Memlekettik kirister komıteti 2024 jyldyń birinshi toqsanynda Qazaqstan-Reseı shekarasynda 13 650 lıtr janar-jaǵarmaıdy zańsyz áketýdiń 103 áreketin anyqtap, jolyn kesti, dep habarlaıdy almaty-akshamy.kz.
Qazaqstan-ózbek shekarasynda 11 135 lıtr janar-jaǵarmaıdy zańsyz shekara asyrýǵa 68 áreket jasaldy. 3,7 mln. teńge aıyppul óndirildi. Qazirgi ýaqytta munaı ónimderiniń jekelegen túrlerin Qazaqstan Respýblıkasynyń aýmaǵynan tys jerlerge áketýge tyıym salynǵan. Tyıym Qazaqstannyń ishki naryǵynda janar-jaǵarmaı materıaldarynyń tapshylyǵyn boldyrmaý úshin normatıvtik aktilermen bekitilgen. Memlekettik kirister komıteti belgilengen tyıymdar men shekteýlerdiń saqtalýyna baqylaý júrgizedi.
Táýekelderdi basqarý júıesi qoldanylady. Elektrondyq deklarasıalaýdyń «ASTANA-1» aqparattyq júıesinde áketýge tyıym salynǵan munaı ónimderiniń kedendik deklarasıalaýyn boldyrmaý maqsatynda sharalar qabyldanǵan. MKK munaı ónimderin zańsyz áketý faktilerin anyqtaý jáne jolyn kesý boıynsha is-sharalar júrgizedi. 2023 jyly Qazaqstan-ózbek shekarasynda 79 800 lıtr munaı ónimderiniń zańsyz áketýińiń 294 áreketi toqtatyldy. Memleket búdjetine 24,5 mln. teńge aıyppul óndirildi. Qazaqstan-Reseı shekarasynda 60 myń lıtrge jýyq munaı ónimderin zańsyz áketýdiń 324 faktisiniń joly kesildi. Qazaqstan Respýblıkasynyń qoldanystaǵy zańnamasynda belgilengen tyıymdar men shekteýlerdiń saqtalýyn baqylaýdy Memlekettik kirister organdary turaqty negizde júrgizedi.