Jyl basynan beri kóp balaly otbasylar 116,9 mlrd. teńge járdemaqy aldy
2021 jylǵy qańtardan mamyrǵa deıin kóp balaly otbasylarǵa beriletin jalpy somasy 116,9 mlrd teńge kólemindegi memlekettik járdemaqy tólemderimen orta eseppen 443,2 myń otbasy qamtyldy. 2021 jylǵy mamyrda járdemaqynyń bul túrin 445,7 myń otbasy, jalpy somasy 24,1 mlrd. teńgege aldy, dep habarlady Almaty-akshamy.kz QR Eńbek jáne halyqty áleýettik qorǵaý mınıstrliginiń saıtynda jarıalanǵan habarǵa silteme jasap.
Atalǵan memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.
Tólemderdiń mólsheri balalar sanyna baılanysty saralanǵan: 4 balaǵa – 46 760 teńge, 5 balaǵa – 58 457 teńge, 6 balaǵa – 70 154 teńge, 7 balaǵa – 81 852 teńge, 8 balaǵa – 93 344 teńge, 9 balaǵa – 105 012 teńge, 10 balaǵa – 116 680 teńge, 11 balaǵa – 128 348 teńge, 12 balaǵa – 140 016 teńge, 13 balaǵa – 151 684 teńge, 14 balaǵa – 163 teńge 352 teńge, 15 balaǵa – 175 020 teńge, 16 balaǵa – 186 688 teńge.
Eske sala keteıik, kóp balaly otbasylarǵa olardyń kiristerin esepke almaı beriletin jańa memlekettik járdemaqy Qazaqstanda 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde kózdelgen tabysy az jáne kóp balaly otbasylardy qoldaýdyń úsh negizgi baǵyty sheńberinde engizilgen bolatyn.