Almatyda belgili jazýshy S. Smataevtyń mereıtoıyna oraı shyǵarmashylyq kesh ótti
Almaty ákimi B. Saǵyntaev qazaq ádebıetiniń klassıgi, jazýshy Sofy Smataevtyń 80 jyldyq mereıtoıyna arnalǵan saltanatty sharaǵa qatysty.
Kesh «Men jeńemin!» teatrlandyrylǵan qoıylymymen ashyldy. Qoıylymǵa S. Smataevtyń ózi jáne M. Áýezov atyndaǵy Qazaq ulttyq akademıalyq drama teatrynyń ártisteri qatysty. Shyǵarmashylyq kesh osy teatr sahnasynda ótti.
Almaty ákimi Baqytjan Saǵyntaev Tuńǵysh Prezıdent - Elbasy Nursultan Nazarbaev pen Memleket basshysy Qasym-Jomart Toqaevtyń S.Sataevqa arnalǵan jyly quttyqtaý sózderin oqydy. Onda mereıtoı ıesiniń qazaq ádebıetin damytýǵa qosqan úlesi atap ótilgen.
B. Saǵyntaev óz quttyqtaýynda S. Smataevtyń qazaq ádebıeti klasıkteri men synshylarynyń shyǵarmalaryn zertteý salasyndaǵy eńbekterin de erekshe atap ótti. Sofy Smataev - jazýshylyq ónerge berilgen qalamgerlerdiń biri.
Almatynyń ákimi B. Saǵyntaev ákimdik qoldaý kórsetýdi jalǵastyratynyn atap ótti. Qala ákimi mereıtoı ıesi men onyń jaqyndaryna myqty densaýlyq, shyǵarmashylyq tabys jáne baq-bereke tiledi. Qalanyń damýyna qosqan úlesi úshin S. Smataev Almaty qalasy ákimdiginiń «Eńbegi úshin» tósbelgisimen marapattaldy.
Almaty ákimdigi uıymdastyrǵan shyǵarmashylyq kesh S. Smataev talanty men shyǵarmashylyǵyn ulyqtaý bolyp tabylady.
Qazaqstan Jazýshylar odaǵynyń tóraǵasy Ulyqbek Esdáýlet aıtqandaı, Almaty qalasy ákimdiginiń qoldaýymen sóz sheberleriniń 30 túrli kitaby jaryq kórdi, olardyń jalpy taralymy 65 myń dana. Onyń ishinde mereıtoı ıesi S.Smataevtyń 25 tomdyq shyǵarmalar jınaǵy jaryq kórdi. Kitaptar qala kitaphanalaryn toltyrdy.