İİM oqýshylar arasyndaǵy bopsalaýmen kúres týraly aıtyp berdi, – dep habarlaıdy Polisia.kz.
Kámeletke tolmaǵandardy quqyqqa qaıshy qyzmetke tartý – Memleket basshysynyń ishki ister organdary úshin bólgen mańyzdy máseleleriniń biri. Sondyqtan polısıa olardyń oqý oryndaryndaǵy qaýipsizdigine erekshe nazar aýdarady.
Mysaly, eldegi mektepterde ýchaskelik polısıa ınspektorlary, kámeletke tolmaǵandar isi jónindegi ınspektorlar jáne jedel qyzmetkerler bekitilgen.
Olardyń mindetterine oqý oryndaryna únemi barý, sabaqtar ótkizý, oqýshylarmen jeke áńgimelesý, sondaı-aq kámeletke tolmaǵandarǵa teris áser etetin jáne qylmystyq ıdeologıany taratatyn adamdardy anyqtaý kiredi.
İİM-niń mindeti – ár oqýshy men stýdentke osyndaı zańsyz áreketterdiń saldary týraly eskertý.
Polıseıler jasóspirimderge 90 myńdaı sabaq ótkizip, eń mańyzdy máselelerdi talqylaıdy, olar qalpyna keltirilmeıtin saldarǵa ákelýi múmkin, sonyń ishinde qumar oıyndar, sýısıd jáne esirtki tutyný.
Olar ártúrli quqyq buzýshylyqtar, onyń ishinde esirtki qylmystary, qorqytý, bopsalaý, vandalızm jáne buzaqylyq úshin jaýapkershilik týraly aıtady. Uzaq merzimge bas bostandyǵynan aıyrýǵa ákep soǵatyn teris qylyqtarǵa erekshe nazar aýdarylady.
İİM qaýipsiz júris-turys erejelerin engizý úshin balalarǵa arnalǵan “Zorlyq-zombylyqtyń qurbany bolmaýy úshin” jáne ata-analarǵa arnalǵan “Balańyzdyń zorlyq-zombylyqtyń qurbany bolmaýy úshin” atty jadynamalardy ázirledi.
Olar vedimistik saıttarda, áleýmettik jelilerde, mobıldi messendjerlerde, ata-analar, mektep jáne jalpy úı chattarynda ornalastyrylǵan.
Áńgimeler men dáristerden, kezdesýler men jadynamalardan basqa, polısıa jergilikti reıdter júrgizedi.
Jyl basynan beri barlyǵy 11 myńnan astam JPİSH, reıdtik is-sharalar, jergilikti pysyqtaýlar men aksıalar ótkizildi.
Máselen, kámeletke tolmaǵandardyń túnde oıyn-saýyq oryndarynda jáne turǵyn úıden tys jerde bolǵany úshin 86 myńnan astam ata-ana men 1,5 myń mekeme ıesi ákimshilik jaýapkershilikke tartyldy. 9,8 myń ata-ana bala tárbıesi boıynsha mindetterin oryndamaǵany úshin jaýap berdi. 1,3 myń kámeletke tolmaǵan bala usaq buzaqylyq jasaǵany úshin jaýapqa tartyldy.
Sonymen qatar birqatar óńirlerde oqý oryndarynda bopsalaý faktileri anyqtaldy. Jyl basynan beri kámeletke tolmaǵandar arasyndaǵy bopsalaýdyń 49 faktisi tirkeldi. Jas bopsalaýshynyń ortasha portreti kelesideı kórinedi. Kóbinese ol 15-17 jas aralyǵyndaǵy jastar, fızıkalyq turǵydan myqty, oqý oqıtyn jáne tolyq otbasynda tárbıelenetin balalar.
Mysaly, Taldyqorǵan qalasyndaǵy kolej stýdentterinen bopsalaǵany úshin polısıa úsh jasóspirimdi ustady.
Al Almatyda ýnıversıtetterdiń birinde stýdentterden aqsha bopsalaǵany úshin 4 adam ustaldy.
Jábirlenýshilerdiń arasynda kámeletke tolmaǵandar da bar. Almaty oblysy Jambyl aýdany Uzynaǵash kentinde oqýshylardan júıeli túrde aqsha bopsalaǵany úshin 5 jasóspirim ustaldy.
Olardan bopsalaýshylar 2-3 myń teńgeden alyp otyrǵan.
Atalǵan faktiler boıynsha “Bopsalaý” baby boıynsha sotqa deıingi tergeý júrgizilip jatyr, onyń sanksıalary 4 jylǵa deıingi merzimge deıin bas bostandyǵynan aıyrýdy, al adamdar toby úshin 3 jyldan 7 jylǵa deıin bas bostandyǵynan aıyrýdy kózdeıdi.
Qazirgi ýaqytta tergeý sharalary júrgizilip jatyr, kúdiktiler ishki ister organdarynyń profılaktıkalyq esebine qoıyldy.