Jyl basynan beri izdeýde júrgen 706 adam ustaldy. Onyń 14-i - adam óltirgender, - dep habarlaıdy aqshamnews.kz.
Bas prokýratýra málimetinshe, halyq kóp jınalatyn oryndarǵa 3 myńnan astam kamera ornatyldy. Solardyń kómegimen 2024 jyly 72 qylmysker ustaldy. Máselen, byltyr qazanda Almatyda aýyr qylmys jasaǵany úshin 15 jyldan asa ýaqyt boıy izdestirýde júrgen qylmysker ustaldy.
Sonymen qatar, sheteldik ıýrısdıksıalardan asa aýyr qylmystar jasaǵan - kisi óltirý, qarjylyq pıramıdalar qurý, uıymdasqan qylmystyq topqa qatysý, alaıaqtyq jáne esirtki saýdasy boıynsha jaýapqa tartylǵan 28 adam qaıtaryldy.
Jalpy, jyl basynan beri 706 izdestirýdegi adam ustaldy, onyń ishinde:
• 14 - kisi óltirgeni úshin,
• 13 - esirtki satqany úshin,
• 34 - tonaǵany úshin,
• 141 - alaıaqtyq jasaǵany úshin,
• 269 - urlyq úshin.
Qabyldanǵan sharalar izdestirýdegi adamdardyń jalpy sanyn 4,6%-ǵa (2226-dan 2123-ke deıin) azaıtýǵa jáne olardy ustaý tıimdiligin 63,7%-ǵa deıin arttyrýǵa múmkindik berdi.
Jazanyń bultartpastyǵyn qamtamasyz etý jáne eldegi quqyqtyq tártipti nyǵaıtý jumysy júıeli jáne turaqty negizde jalǵasatyn bolady.