Jyl basynan beri tártip saqshylary ekologıalyq zańnamany buzýdyń 7 myńnan astam faktisin anyqtady.
Bul týraly İİM brıfıńinde aıtyldy, dep habarlaıdy Almaty-akshamy.kz Polisia.kz-ke silteme jasap.
Zańsyz aınalymnan tyıym salynǵan 15 myń metrden astam balyq aýlaý torlary, 9 tonna balyq jáne balyq ónimderi, shamamen 3,5 myń aqbóken múıizi, 135 ańshy myltyǵy, 81 tekshe metr zańsyz kesilgen aǵashtar tárkilendi. Balyq ónimderiniń zańsyz aınalymyna tosqaýyl qoıý maqsatynda Jaıyq-Kaspıı baseıni aýmaǵynda “Bekire” jedel-profılaktıkalyq is-sharasy ótkizilip jatyr.
«Mańǵystaý oblysynyń Túpqaraǵan aýdanynda bir úıde tintý júrgizý barysynda jalpy salmaǵy 72 kg bolatyn 13 dana bekire balyǵy tárkilendi. Atyraý oblysynda Jaıyq jaǵalaýyn patrúldeý kezinde kúdiktilerden 6 qapshyqqa salynǵan 30 dana bekire jáne sazan balyqtary tabylyp, “Bekire tuqymdas balyqty ósirý zaýytyna” tapsyryldy», – dedi departament bastyǵy – İİM resmı ókili Shyńǵys Alekeshev.
Sonymen qatar qazir respýblıka kóleminde halyqtan zańsyz saqtalǵan qarý men oq-dárilerdi satyp alý aksıasy júrgizilip jatyr. Aksıa bastalǵaly beri ishki ister organdaryna azamattar tarapynan 422 atys qarýy tapsyryldy.