Bı óneríne arnalǵan atauly kún 1982 jyly YuNESKO-nyń Halyqaralyq bı keńesíníń bastamasymen bekítíldí, dep habarlaıdy almaty-akshamy.kz.
Būl merekeníń 29 sáuírge belgílenuíníń ózíndík sebebí bar. Būl kúní frantsuz balet bıshísí, teoretıgí, balet ónerínde reforma jasaǵan «zamanauı bıdíń ákesí» Jan-Jorje Noverre dúnıege kelgen. Mereke búkíl álemde atap ótíledí.
Halyqaralyq bı kúní qarsańynda Latvıyada XVII halyqaralyq horeografıyalyq baıqau óttí. Baıqauda Roza Baǵlanova atyndaǵy «Qazaqkontsert» memlekettík akademıyalyq kontserttík ūıymynyń «Gúlder» ansamblí ártísterí «Halyq bıí» jáne «Horeograf» nomınatsıyalary boıynsha laureat atandy.
Baıqau 25-28 sáuír aralyǵynda Rıga qalasynda óttí. Oǵan AQSh, Latvıya, Estonıya, Lıtva, Germanıya, Australıya, Ispanıya, Grekıya, Gruzıya, Japonıya, Slovenıya jáne Qazaqstan sıyaqty álemníń 12 elíníń bıshílerí qatysty.